鴻星中菜 (MOKO新世紀廣場) (Closed)

中菜去酒樓食最有鑊氣平時懶得買魚處理今次叫條清蒸海星班酒樓中菜相當高質好適合一家大細嚟食拍蒜青瓜一碟有八件，色澤好亮麗。食落口感爽脆，蒜味香濃，夏天作為前菜食好清新！百味豆腐外層炸到金黃香脆，但裡面嘅豆腐就非常滑溜，真係非常神奇，點埋泰式辣醬食就更惹味。海老汁龍蝦按人頭計每位半隻，龍蝦開邊上，勁好肉，肉質彈牙新鮮，用海老汁去烹調好夾，更能帶出龍蝦嘅鮮味。腐乳菌翡翠炒帶子帶子好大隻好新鮮彈牙，荷蘭豆同帶子一齊炒吸收哂鮮味，再加埋菇菌同三色椒一齊炒，色香味俱全。清蒸海星班上菜時已經香氣撲鼻，呢條東星班好大條好新鮮，師傅蒸得啱啱好，魚肉非常鮮嫩，魚味亦好香濃，食落完全唔腥，十分高質。炸子雞炸子雞有半隻，雞皮炸得金黃香脆，雞肉好嫩滑，咬落去爆哂肉汁，食落亦好香雞味。羊肚菌杞子浸菜苗菜苗好嫩綠好新鮮，食落好爽口，羊肚菌同杞子都好健康，絕對係營養之選。蛋黃壽桃包個包都幾大個，口感好軟綿，中間嘅蛋黃好香。紅豆沙有好多紅豆好足料，食落甜甜地，作為飯後甜品非常啱。