鴻星中菜 (MOKO新世紀廣場) (Closed)

今日（3/5/2025）來旺角飲茶，下午二時多來到，唔駛等位，沒有細枱，三個人，比咗張中枱，好闊落，位置近門口，冷氣足。枱上只有二個茶壼，飲茶吹水，自然好快要加水，服務員加水速度快，服務態度好，上點心速度亦很快，贊。點咗五個點心晶瑩鮮蝦餃，睇個樣都OK啦，食落唔錯蟹籽燒賣皇，好實肉，有咬口鮮蝦菜苗餃，份量足，啱食潮州粉果，無咗香菜，正雞絲粉皮，朋友至愛，胡麻醬味夠，青瓜爽口埋單$239，價錢合理。

碌電話時無意中見到呢個片皮鴨優惠，即刻inbox訂座，回覆速度都好快，真係無諗過而家去普通酒樓食中菜竟然可以用ig的inbox訂位，不過就只限辦公時間先回覆到平日晚上7點，雖然未坐滿人，但已經非常之噪吵😩😩片皮鴨半隻的份量不少，肉質新鮮嫩滑，不得不讚的是包片片鴨的嬤嬤皮，一般半隻片皮鴨只會跟六塊嬤嬤皮，但係佢就跟左超過10塊，最後我哋都食唔晒，另外還配有京蔥、青瓜和乳豬醬呢個係套餐連埋的海味一品煲，有鮑魚、花膠、冬菇和生菜，份量亦不少另外我們加了菠蘿咕嚕肉，欣賞有新鮮菠蘿伴碟，還用心地將菠蘿稍微燒香，這裡的咕嚕肉做法特別，炸粉雖然比平日的較厚，但有酥脆嘅感覺，喜歡酥脆的應該會喜歡還加了這個蜜糖薯仔牛柳粒，薯仔炸得香脆，牛柳粒亦淋滑，配上甜甜嘅蜜糖，好快就比我哋清碟喇😝😝整體的用餐體驗不錯，食物有水準，只是環境較嘈吵

前兩日係新世紀moko 買盒年糕，之後就即刻返屋企放雪櫃，住同區既我，年初二打開，發現咁既樣，會唔會過分左啲，仲要呢幾日咁凍同放雪櫃都可以發到咁，食用日期係2月1，早幾日仲要咁凍

今日同媽咪帶左姨甥仔去Moko遊樂場玩，玩完順便飲個茶先返屋企，兩大一少叫左九個點心四百幾蚊算系咁蟹籽燒賣熱辣辣好大粒，每粒都包左豬肉同蝦仁，真材實料蘿蔔千層酥唔夠熱，蘿蔔絲刨得夠幼細叉燒腸粉比較細份，個腸粉皮樂薄身，晶瑩剔透見到裏面的叉燒餡，不過叉燒比較鞋黑金流沙包熱辣辣，一搣開裏面嘅流沙餡就會流出嚟，唔太甜幾好食鳳爪大食妹唔鍾意食，不過媽咪話個調味辣辣地好正再食咗個菠蘿叉燒包，唔記得影相但係姨甥仔一食再食，勁鍾意個菠蘿包，大碗食咗一個菠蘿皮都好脆

点了四人套餐，除了虾饺和咕噜肉是热的，别的菜都是凉的，甚至蛋白炒饭都是凉的，差点吃吐了🤮。虾饺也是很明显的预制菜，叉烧只有瘦肉而且没有腌制透，里面什么味都没有。烧肉放冷了一股腥味。

一年一度嘅大閘蟹季節又開始，我和家人每年都去鴻星酒家食大閘蟹餐，因為佢的大閘餐貨真價實，大閘蟹膏香肉鮮，公、乸的蟹膏質感不同，但十分香濃。酒樓的環境十分好，其他嘅菜式配搭一流，先有飲品可以揀（可樂或者鮮橙汁），之後就會先嚟一碟小食就係鴨胸會青瓜，再嚟一籠新鮮熱辣的蟹粉小籠包、每人一碗蟹肉翅、鮮蝦炒雜菜、鮮菠蘿咕嚕肉，最後有一個薑汁湯湯圓，以解大閘蟹的寒涼。套餐配搭十分理想，所以每年都要去一次，享受大閘蟹及套餐。😘

📍鴻星中菜@新世紀廣場👑皇者大閘蟹餐每位🦀🦀🦀（兩皇一后：公約5両、乸約三両）🦀新鮮多膏，蟹肉鮮甜，略嫌上枱時不夠熱⭐️⭐️⭐️⭐️煙鴨胸拼青瓜（各款2片）⭐️⭐️鮮拆蟹粉小籠包（每位1粒）⭐️⭐️⭐️⭐️花膠雞絲羹⭐️⭐️⭐️黑松露炒蝦球⭐️⭐️鮮鳳梨黑豚肉⭐️⭐️⭐️鮮茄菌皇浸時蔬⭐️⭐️窩心薑茶湯丸⭐️⭐️*總結：當晚星期六6pm到達，約7時開始滿座，人手不足，漏單情況嚴重，不停催促，結果足足食了差不多3小時😅

年年都會去鴻星食大閘蟹餐，今年真係差到一個點：一坐低就比咗個片皮鴨附帶嘅粉皮一籠，仲話我地落咗個小菜㖭，阿姐鬧個侍應入錯單，其實唔知邊個錯，（最後落單個阿姐搵返張啱嘅單出嚟）攪到有小朋友嘅隔離枱家長們都叫佢走開唔好鬧，終於攪返正常上菜，主角大閘蟹（2皇1后）皇無膏，后就好d，好失望。其他餸都好似縮咗水，但價錢又貴咗，2人餐$996加埋18元x2位茶錢及16元小食，埋單=$1048-鴻星執剩旺角moko呢間，咁攪法希望佢捱得住啦！

滿心期待的四人的大閘蟹餐、兩王一后！ 公的大閘蟹、可以話冇一隻有大閘蟹味、其中一隻甚至係臭嘅，之後換咗比較正常嘅蟹，終於係一隻比較好嘅大閘蟹、換來一隻係有大閘蟹味、其他的都係下等貨色！ 即係代表佢哋係有好嘅大閘蟹，但係招呼我哋嘅俾啲下等貨色。至於其他嘅餸菜款式、四人餐菜嘅份量，只係得一人份量！ 只係普通菜都比咁少，難怪鴻星只剩下一間、實在大不如前、想去嘅朋友絕對不要考慮！ 唔想有人好似同我一樣嘥晒啲錢、同埋樓面嘅招呼實在太差

呢排秋風起就係我期待已久食大閘蟹🦀嘅時候, 鴻星及東海原來係第一間引入正宗江蘇大閘蟹做季節食品嘅中式酒樓大閘蟹兩皇一后食晒唔同口味都係源於鴻星同埋東海.呢度嘅蟹粉小籠包每日手造，兩隻小籠包就要用一隻蟹🦀仲有蟹粉蒜蓉包必試招牌小菜,highly recommend呀！蟹公重 5.5 兩，母蟹3.5 兩左右• 煙鴨胸拼青瓜🦆🥒開胃• 鮮拆蟹粉小籠包（1件）🦀啲湯汁非常之鮮味• 蟹粉蒜蓉包🦀🥖拍案叫絕• 花膠雞絲羹（1位）🥣食蟹點可以唔飲下湯• 清蒸大閘蟹（2皇1后共3隻 , 公每隻約5兩 、姆每隻約3兩）真係肥美多膏• 黑松露炒蝦球🦐爽口彈牙• 鮮鳳梨黑豚肉🥘開胃好食• 鮮茄菌皇浸時蔬🍲健康好味• 薑茶湯丸（1位）🍡溫暖甜品奉送橙汁或汽水（1杯）🥂仲要最正係咩？每人四百零蚊就可以食齊上面嘅嘢,真係好過自己整！

今次是本人第一次團購及食大閘蟹餐，很好體驗，服務很好，時常有關注食完要上另一碟餸菜時間，唔會一次過擺晒上枱面，大閘蟹分兩開兩次上唔會食到最尾凍晒 ...貼心🥰，食到最後飲番個熱辣辣薑茶湯丸真係完美😋

間中都會同朋友黎飲早茶都幫襯左三四年地點夠曬方便同埋星期一至五有特價點心今日就係一人一隻珍珠雞炒銀針粉應該係新野又炒得幾唔錯炸物係做得幾出色三個人食到飽都係人均$80唯一缺點坐得入有啲焗

百幾蚊碟野 份量少到可憐 之前嚟食都無咁少 同經理講 經理話上次比多咗我 無心做就算啦下次唔會再嚟囉 抵佢得返一間 香港餐廳真係好幫診得落手 傳菜姐姐服務幾好 係呢碟野要用刀叉分嚟食條氣有啲唔順

食物質素不合格，不熱，味道差。我們叫了一碟乾燒伊麵，伊麵有一陣很怪嘅味道不知是面餅放久了還是炒燶了，蘿蔔糕是室溫的，干炒四季豆也是室溫的且多油，叉燒素鴨拼盤的叉燒不是新鮮的有點乾還少少韌。原意是留在香港消費希望支持一下飲食行業，但從來沒有諗過鴻星出品會這樣差，好像把很久買不出的舊食材煑給客人食，服務也一般，我是不會再去消費。明白香港租金及人工高，所以食物價格要定在能夠支出的範圍。這是明白的但這樣的出品想留客也難，希望沒有遊客在這裏消費，要不然太過影響香港嘅形象。

今日家庭聚會，爸爸媽媽鍾意食中式，老一輩都是喜歡食中國食物！所以揀咗個中式酒樓，叫餸食飯🤣！也不錯的😆以其獨特的烹調方式和口感而聞名，烹調過程更講究火候和技巧，需要經過精心製作，這道菜以鴨皮酥脆、肉質鮮嫩為特色，搭配甜甜的醬汁，帶有淡淡的香氣，讓人垂涎欲滴。海味雜菜煲是一道美味的菜餚，結合了各種海鮮和蔬菜的鮮美風味。這道菜烹調時可以保留食材的原汁原味，讓海鮮和蔬菜的鮮甜味道完美融合。海味雜菜煲的湯汁濃郁鮮美，讓人回味無窮。鮮嫩的魷魚搭配香氣四溢的椒鹽，口感香脆多汁，讓人回味無窮。這道菜烹調簡單，但卻能展現出魷魚的原汁原味，讓人享受到海鮮的鮮美風味。以雞肉和沙薑為主要食材，口感香濃鮮美。這道菜烹調時沙薑的香氣能夠完美融入雞肉中，讓整道菜更加美味可口。雞肉口感鮮嫩多汁加上沙薑，令口感更上一層樓