楓林小館

Open Now

Now Closed

今晚老朋友吹雞食飯，話有間以前喺沙田食乳鴿好好食嘅開着咗喺銅鑼灣，仲book咗枱添，七點鐘準時去到，朋友原來已經點左菜，好快有得食啦，香煎白飯魚，杏汁豬肺花膠湯，個湯好好味呀，成碗都係花膠，杏汁好香呀。跟住就係馳名嘅乳鴿上菜啦，果然係好好食，好juicy啊！跟住陸續有干煸四季豆，香煎蓮藕餅，花膠釀豆腐，因為好特別啊！第一次食用蝦膠釀豆腐，好好味！生炒骨，豉汁炒聖子，古法焗鹽焗雞，連內臟都有，係朋友叫師傅去街市買新鮮雞整㗎，啲雞腳好爽，就算係雞胸都好滑㗎！甜品唔記得影相添，我哋叫咗紅棗糕，黑芝麻卷，薑汁糕，我鍾意食黑芝麻卷，好有懷舊嘅感覺，食到捧住個肚走，好滿足啊！