滿屋日本料理 (Closed)

日式放題出名抵食，今日lunch time 朋友約左我慶祝我生日，我地揀左銅鑼灣廣場呢間滿屋食放題。同其他一般日式放題店一樣，餐廳畫有一個區域位置作自助區，呢間滿屋嘅自助區域唔算大，選擇亦不算多，主要係沙律及少量熟食。甜品選擇算多。飲品選擇十分之多，適合大眾口味。一坐低當然要食刺身先啦，刺身品質十分新鮮，融雪處理做得十分之好，質素絕對屬水平之上。各式壽司亦做得出色，頗有驚喜。海膽手卷細細舊，食落有鮮甜味，不錯。天婦羅我哋揀咗秋葵、南瓜及番薯，炸漿炸得十分酥脆。串燒亦做得不錯，牛舌及雞軟骨都做得十分美味！