梅花邨小館

Open Now

Now Closed

約左朋友仔食午餐，佢話想食潮州菜，於是我就帶佢黎呢度。佢話好肚餓，我話你想食乜就點啦，於是佢就放肆咁點咗四個餸， 一碗飯，真係好誇張，兩個小女子一個午餐食4個餸。🤪食潮州菜 ，鹵水鵝片當然少不了，煎蠔仔餅係招牌菜，梗係要食啦。欖菜肉鬆四季豆都好好食，最後一個，佢話好耐無食鵝腸，一定要食。😘四個餸一碗飯好快上齊 ，鹵水鵝片一啲都冇失望，鵝肉鮮嫩夠入味，加埋鹵水豆腐合哂胃口。蠔仔煎餅外脆內軟，點啲魚露味道鹹香鮮美，欖菜肉鬆四季豆，四季豆青青綠綠，欖菜肉鬆絕不馬虎，完全配合四季豆的味道，用黎送飯一流。👍最最最好味係豉椒炒鵝腸，簡直係天花板製作，鵝腸爽脆鮮味，加埋洋蔥鹹酸菜簡直係絕配， 兩個人食四個餸一啲都不多，加一碗飯剛剛好。埋單420蚊物有所值，這里的潮州菜冇得輸，老字號經得起考驗👍💯。