牛站(駅)麻辣火鍋放題

Open Now

Now Closed

每個禮拜打邊爐真係唔會嫌多，呢間算係芝心妹經常食嘅心水之一，特別係鍾意小龍蝦、H字大牌雪糕同和牛嘅可以一試。 🍲湯底選擇唔少，有常見嘅秘製麻辣鍋、豬骨湯、蕃茄湯、藥膳湯，仲會有椰子雞湯🥥同期間限定嘅羊腩煲湯底。SRF美國極黑和牛片口感軟腍，重點必叫，另外設美國安格斯牛板腱同手切封門柳。 海鮮齊備，鮮甜海蝦、紐西蘭青口、帆立貝同沙白等等。田雞腿比較少任食火鍋店可以叫。 火鍋放題熟食有皮脆肉嫩嘅乳鴿食，熱辣辣 ，仲有任食醬爆糍粑、榴槤炸彈同醉雞卷。自助區有多款雪糕、甜品同飲品， 雪糕雪條韓國香港著名牌子，Haxx Dazs lotus、曲奇等味道都有。 甜品以迷你杯為主，仙草芋圓、木糠布甸等，可以試多幾款。而飲品除咗自家製烏龍茶、洛神花茶同汽水等，仲有梅酒、啤酒無限暢飲。