家賀屋

星期三lunch到銅鑼灣家賀屋同朋友預祝生日。橫綱刺身定食有八件刺身，全部都好新鮮肥美。刺身定食跟海帶味噌湯、田園沙律、日式蒸蛋，配湯蕎麥麵，味噌湯味道唔錯，沙律開胃，蒸蛋材料豐富，蕎麥麵好滑身。鹽燒真鯖魚定食鯖魚唔腥，魚肉唔鞋，啲骨容易吐出黎，都係跟海帶味噌湯、田園沙律、日式蒸蛋，但配御飯，飯上面有啲飯素，好味好多。阿波尾酢橘雞腎串細細粒，幾有咬口。千層雲尼拿蛋糕加$22，整體幾軟滑，又唔會好甜好膩，幾好食。芝士蛋糕加$15，芝士味幾出，口感軟熟。飲品叫左橙汁 (加$9)同巨峰提子乳酸梳打酒 $48。