極尚大喜屋 (加連威老道) (Closed)

今日放工約埋幾個同事一齊食好西！！！我地揀左公司附近既極尚大喜屋。我地叫左好多野食壽司同剌身方面，壽司同剌身的材料新鮮唔係Ｄ隔夜材料，由其係個甜蝦剌身味道鮮甜，高度推薦，我地食完再叫！！羊架口感嫩口，有點奶香同草味，以放題質素以言，已經好正。芝士年糕好流口咁，夾心既芝士真係好邪惡！五香煮和牛筋腩，質素出面既牛腩店有比得，係炆左好耐，香濃的味道，肉質口感細嫩，連根同蘿蔔都係口感一流。最後當然吾少得hagen daze或者movenpick雪糕，今次有朱古力、士多啤梨、雲呢拿同芒果任擇，味道都算多。同埋而地有啤酒飲，而隻叫Ｈｉｔｅ係韓國啤酒黎，易入口唔會太苦。