米子燒肉家 (Closed)

隨著口罩令解除，加上天氣回暖，係時候又要周圍去順便搵好嘢食。今次去完大東北行山，咁肚餓，就一於試吓呢間咁高評價嘅燒肉店，叫翻個放題食。去到都有幾多食客，相信都冇乜伏！放題餐d選擇都好豐富，雞牛豬海鮮都有齊雞五品: 韓式芝士雞腿肉、辣味噌雞腿肉、岩鹽手羽、岩鹽日本雞頸肉、辣味噌日本雞頸肉牛十品: 牛舌、特上牛柳、滑牛、牛五花、Prime系列嘅牛腹肉、肩胛牛肉眼、牛板腱、牛頸脊、牛仔骨、角切豬四品: 豚肉條、韓式辣味豬腩片、岩鹽豬腩片、美國梅肉海鮮四品: 魷魚、多春魚、青口、三文魚食咁多肉類，緊係要食翻啲蔬菜: 秋葵、翠肉瓜、雞髀菇、粟米如果覺得未夠飽，或者想加d澱粉，餐單都有飯及冷盤，包保一定飽: 海蜇沙律、豆腐沙律、櫻花蝦香蔥飯、溫泉蛋飯放題餐可以任飲店入面嘅飲品，有茶類，甚至啤酒。我哋揸車人士，緊係揀無酒精啤酒過下癮！