Video
Opening Hours
Today
11:30 - 22:00
Mon - Sun
11:30 - 22:00
*Last order 21:30
Above information is for reference only. Please check details with the restaurant.
About Reward Scheme
見到網上平台有限時買一送一優惠，晚市燒肉放題$199/位，另外每位收原價加一即$39。見網上平台評價唔差，加上喺粉嶺開左咁耐都未試過，決定星期五去食🤔。BOOK左星期五晚上8點，估唔到全場爆滿😯 即刻有少少期望🤓望完個餐牌後發現，餐廳本身只有$248、$348同$448三個餐，根本我地呢個聲稱原價$399嘅餐🤔。網上平台呢個特別餐，係可以食到$248所有野同$348嘅刺身，另加壽喜燒湯底。一坐低，職員就送上每人三片牛肉，由於無講係咩部位、等級。牛肉油花唔差，入口油脂爆棚!!😏 之後任食就當然無呢個等級嘅牛肉啦😅除左已經售罄嘅厚牛舌外，澳洲和牛肉腿肉、安格斯板腱、牛五花、一口牛都係任食。不過質素就麻麻。海鮮方面，除售罄嘅鹽燒虎蝦外，仲有非常鹹嘅壼漬魷魚鬚、鯖花青、蟹柳、同埋我個人覺得算係比較好嘅急凍半殼帆立貝。枱上有一樽已調味蒜蓉，加埋落去一齊燒就最正😋。豚雞方面選擇唔多，我地只試左黑豚肉、無味嘅芝士雞肉、兩款無醃到入味嘅手羽、好難食嘅兩款火雞腎。除左可以喺出面拎嘅生菜盤外，QR都可以點半油金菇、髀菇、好酸嘅菠蘿、翠瓜、牛油粟米等。主食叫左正正常常嘅胡麻烏冬、櫻花蝦蔥飯、蔥玉子飯。呢度嘅炸物完全唔掂，炸到好深色、好乾、好硬、好界口….😣呢個餐最好嘅係刺身，即係$348個餐嘅刺身全部都叫得，當中甜蝦同赤蝦都唔錯😋。如果想食又熱又濕嘅野，都仲可以點壽喜燒，不過跟嚟果盤牛肉真係連佳寶最平嘅肥牛都不如😂自助區除左無糖盒裝茶外，仲有啤酒；甜品除左杯裝啫哩外，仲有好稀嘅紅豆沙、三款牛奶雪糕杯；前菜都有螺肉、中華沙律、泡菜、四季豆。總結，食物質素麻麻、選擇唔多、餐廳煙氣味大，不過上菜快，又會主動換網。人均$240，試一次就夠。
continue reading
呢日同專程喺屯門過去粉嶺 男朋友去食叫咗個最貴嘅放題餐本身對呢個放題好有期望，食都係食最貴嗰隻肉，日本牛小排同A4嗰款牛肉，食完之後勁嬲兩款肉都好韌，韌到至橡筋咁完全咬唔到，我係後生嘅，都咬唔到啲肉唔好話老人家上咗年紀嗰啲炸物嚟講叫咗個榴槤炸彈，個榴槤炸彈外皮塔晒落去，淋到黐孖筋而且佢個燒肉爐都幾搵笨，燒嘅範圍極細每次燒肉嘅時候每塊肉嘅生熟程度都唔一樣，火候極度唔均勻沒有下次 黑名單的餐廳上嚟食嘅朋友仔，真係要三思
continue reading
完全冇理過人感受，正當我同朋友傾緊偈嘅時間係咁叫人走，完全態度唔好，香港嘅服務態度好令人費解，之後就直接對張單過嚟，冇諗過去到咁嘅地步，全部仲要冇講，唔該同埋通知聲，真係好接受唔到，麻煩真係要反省一下，重點係冇講有限時仲唔夠個半鐘，叫人點樣幫襯你，仲要放人入嚟俾壓力我哋，因為我哋冇走到，咁可以為咗下一單嘅生意，我都未食完，不斷係咁收人啲餐具食物我食緊都仲要問要唔要，不斷係咁喺我哋身邊周圍轉，其實你哋有訂座有需要，係咪需要通知一聲有冇講食幾耐？加上咩都冇講，就即刻同佢哋講有人訂位，我真係好失望
continue reading
食物質素好一般，當日我一行數十人落去飯局，叫了個和牛刺身放題，刺身好麻麻，切得非常薄冇口感，一粒帶子分切兩三片係基本，完全冇口感，每次叫野食又最多衹可以叫9樣野而每樣野又衹可叫1數量，成張枱5~6個人次次黎得幾塊野夠鬼吃，手機落單個app又麻鬼煩，又要退番出去先入到去，落單時間多個吃野，有人重要吃到肚痛，和牛餐啲和牛冇牛味，雪又融得未夠，完全唔覺得係吃緊和牛，全日黎得最快最大碟係4條羊架，真是擺滿成隻碟，唔係夠多人已經俾佢KO，就連啲醬料都俾得孤孤寒寒，如果諗住吃放題正正常常吃得盡興，呢間真是真心唔好去幫襯。
continue reading
米子燒肉家位於粉嶺，平時居民都要出市區先可以食到放題，所以我眼見大部份過嚟嘅朋友都係食放題嘅。但係我同朋友都屬於眼闊肚窄型女子，所以揀咗兩款燒肉定食去試。呢家燒肉嘅環境真係非常舒適同埋地方好寬敞。佢哋嘅用餐環境非常整潔，而且佢哋嘅服務員都好友善同樂於助人，令整個用餐體驗更加愉快。米子燒肉家提供多款新鮮嘅燒肉食材，例如和牛、黑毛豬同埋各式蔬菜。以呢個價錢嚟講，佢哋嘅肉質都算鮮嫩，口感豐富。你可以自由選擇你喜歡嘅肉類，然後用燒肉爐烹調至剛剛好嘅熟度。佢哋嘅燒肉醬料選擇多樣化，例如麻油醬、蒜泥醬等等，可以增添肉類嘅風味。⭐️ 豚五花雞腿定食⭐️ 牛五花牛舌定食
continue reading