嵐橋丼飯專門店 (Closed)

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯假期又要諗去邊度食嘢好，我就去咗尖沙咀日本嘢嘅集中地白蘭軒道。估唔到呢條街原來都幾旺，最後睇咗一輪就入咗去一間丼飯專門店「嵐橋」。真味海鮮丼 一睇堆到成座山咁高就已經好吸引。入面有多款新鮮刺身，如帆立貝、松葉蟹、拖羅、牡丹蝦等等。加少少日本芥末同埋醬油，不知不覺得成碗飯都食晒。天婦羅盛盒 首先登場當然係天婦羅海老，炸皮夠薄又可以鎖住肉汁。其次仲有南瓜、茄子、秋葵等等，食完都完全唔覺得油膩。鯛魚薄切沙律透明有帶少少粉紅嘅鯛魚，一睇就知道好新鮮。同埋沙律菜和帶微酸嘅醬汁一齊食就會特別開胃㗎啦。另外仲有多款串燒可以揀，我就試咗焦糖菠蘿、田樂燒豆腐、免治雞肉串、薩摩赤雞肉蔥串同埋厚牛舌，火候控制得唔錯仲有焦香味添。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ 嵐橋丼飯專門店 (尖沙咀)尖沙咀白蘭軒道2號富峰行地下BCD號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯