Video
Read full review
2010-05-24
99 views
每次行經葵涌廣場, 都會入去呢間度食, 有: 拉麵, 米線, 米粉, 車仔麵, 油麵, 烏冬, 河粉, 生麵, 撈麵, 公仔麵最欣賞係佢哋d食物夠新鮮, 每樣都係即叫即煮/煎, 所以食物都好香同好夠熱!自從食過兩次之後, 每次經過, 裡面d侍應實叫實我, 問我係咪食”高湯魔法烏冬”, 其實佢哋係出奇地好記性, 對每個客人好好,因為見到其他客人坐低佢哋就會問d人係咪食番嗰d食慣嘅食物同飲品! 感覺好親切, 所以有好多fans^^不過最主要係因為d野食真係太好食喇!不知不覺間, 自己同老公就成為咗佢哋嘅熟客仔喇!睇真d, 佢哋係一家人(爸爸+五兄弟)+朋友組成, 男女老幼都啱傾, 所以勁nice, 仲好smart 同埋都幾靚仔呀! 只不過d制服就幾嚇人, 個舖又真係殘咗d….真係禾桿冚珍珠! 成日覺得, 如果佢哋有套好d, 整齊一d嘅制服, 執靚d間舗, 我唸會仲多人嚟幫襯! 位置最好喺大商場旺位, 而且做到有規模d, 一定可以做到有分舖呀! 不過問過佢哋, 因為舖租貴, 話驚做唔住, 所以除咗d食物同飲品外, 其餘嘅都變得求其d…唔敢落本喎!明白到點解有時佢哋話會有空檔時間嘅時候,
最欣賞係佢哋d食物夠新鮮, 每樣都係即叫即煮/煎, 所以食物都好香同好夠熱!
自從食過兩次之後, 每次經過, 裡面d侍應實叫實我, 問我係咪食”高湯魔法烏冬”, 其實佢哋係出奇地好記性, 對每個客人好好,因為見到其他客人坐低佢哋就會問d人係咪食番嗰d食慣嘅食物同飲品! 感覺好親切, 所以有好多fans^^
不過最主要係因為d野食真係太好食喇!
不知不覺間, 自己同老公就成為咗佢哋嘅熟客仔喇!
睇真d, 佢哋係一家人(爸爸+五兄弟)+朋友組成, 男女老幼都啱傾, 所以勁nice, 仲好smart 同埋都幾靚仔呀! 只不過d制服就幾嚇人, 個舖又真係殘咗d….真係禾桿冚珍珠!
成日覺得, 如果佢哋有套好d, 整齊一d嘅制服, 執靚d間舗, 我唸會仲多人嚟幫襯! 位置最好喺大商場旺位, 而且做到有規模d, 一定可以做到有分舖呀!
不過問過佢哋, 因為舖租貴, 話驚做唔住, 所以除咗d食物同飲品外, 其餘嘅都變得求其d…唔敢落本喎!
明白到點解有時佢哋話會有空檔時間嘅時候, 肯定係因為佢哋個殼俾唔夠信心人哋啦, 食物就算正得幾咁好食, 都冇人敢去嘗試呢!
食物就真係好得好有潛質喇! 希望佢哋再補埋其他嚇人嘅部份, 唔好埋沒咗咁好食嘅食物啦!
試咗咁多食物:
高湯魔法烏冬~勁正!
鷄軟骨拉麵 -分開上, 香 / 爽 / 正
鷄扒拉麵
芝麻單骨鷄翼拉麵
咖哩海鮮拉麵
大蜆拉麵 -真係好大隻呀
豬軟骨拉麵
豬紅大腸鷄翼米線
最近佢哋俾我同老公試兩款新野: 芝士撈烏冬(雜錦食物)-芝士味勁濃,所以會好飽
回味無窮 (雜錦芝士湯飯)-少少辣, 但好香, 又有d芝士味, 食
物都好多, 幾特別, 都幾有創意呀!
Post