Transformers The ARK (Closed)

最近同朋友去咗全球首家變形金剛主題餐飲旗艦店！ 門口已經非常吸引，店內亦以高成本打造出博派THE ARK太空飛船，絕對是變形金剛迷的天堂。呢度不單有獨家的變形金剛商品專賣店，仲提供好多令人驚嘆的打卡位。得獎漢堡披薩二人餐當中嘅安格斯松露漢堡及黑松露蘑菇披薩，都榮獲大獎！ 漢堡用肉質鮮嫩嘅進口穀飼安格斯牛肉，配上香氣撲鼻秘制黑松露醬汁，的確令人回味！而pizza 即叫即焗，金黃酥脆，餡料豐盛！至於小食，勁脆爆炸雞粒及海鹽薯條，香脆可口，大人細路都鍾意飲品方面，黑牛戰士茉莉綠茶奶順滑，加上啫喱粒好有口感；而紫晶葡萄葡萄梳打味道清新解膩！套餐還包括能量海鹽和特濃可可雪糕，色彩繽紛，奶味香濃，入口幼滑，朱古力亦特別濃郁！另外加點嘅勁脆無敵雞和肉醬意粉都好好味！炸雞即叫即炸，熱騰騰的，外皮香脆，雞肉柔軟多汁；肉醬意粉酸中帶甜，層次豐富，味道香濃