Video
4-min walk from Exit B, Causeway Bay MTR Station
continue reading
Telephone
26677328
Opening Hours
Today
11:00 - 21:30
Mon - Sun
11:00 - 21:30
Above information is for reference only. Please check details with the restaurant.
一間餐廳竟然無調味料提供，簡直匪夷所思。員工勁黑面，怪不得lunch時間都無咩人。感覺完全中伏。本來都無咩興，係好朋友想試，所以先嚟，點知會差到咁嘅地步。一世都唔會再嚟
continue reading
餐廳入面有隻接近3米高嘅「柯柏文」巨型機動式模型，佢個頭會轉動😂 變形金剛Fans一定要去打卡同食嘢📸🍔今次試咗幾款野食，味道👅上不錯👍🏻值得一試蟹肉牛油果漢堡🦀炸嘅蟹肉外脆內軟，啖啖蟹肉好好味😋漢堡嘅包面同包底有別平時快餐嘅漢堡包質地🍔呢個係好鬆軟，有少少似pancakes 質地，帶有少少乖咁，配上爽脆嘅生菜🥬同埋炸蟹肉同新鮮牛油果🥑整體口感同味道都唔錯👍🏻黑松露蘑菇pizza🍕🍄🟫濃濃嘅黑松露味好香😍呢個pizza嘅餅底屬於脆口，配上軟軟嘅蘑菇🍄🟫帶少少咸，不錯仲飲左杯「大黃蜂🐝」係一杯百香果味嘅特色飲品🥤甜度適中，不會太甜，飲品選擇方面呢杯不錯👍🏻
continue reading
對Transformer無感嘅我，其實喺佢啱啱開張嘅時候食過一次，當時真心大失所望，覺得用接近$300食兩個味道一般嘅burger簡直太唔抵。最近經過見到佢做$40起嘅lunch set，終於比多次機會佢，竟然有驚喜～👉🏼香辣海鮮意粉（$50）可選辣同唔辣，但辣真係超過咗譚仔嘅5小辣，佢都幾多辣椒粒，但又真係幾香辣下，食開10小辣嘅我食完條脷同個嘴都麻咗🥵海鮮有魷魚同3隻蝦，啲蝦大隻得嚟彈牙唔死實無雪味，魷魚都係大大條，唔錯，只係意粉嘅份量有啲少，食完其實有啲快肚餓🤣值得一提個環境，啲燈光突然會變色同埋有音效，好似突然置身喺迪迪尼嘅餐廳😂喺銅鑼灣幾難食到呢個氣氛~📍Transformers The ARK銅鑼灣羅素街38號金朝陽中心地舖至1樓A&B號舖✨如果想加餐飲，雪糕或餐湯，就要加$10，想加特飲就要加$20～同埋啲餐具好實淨，值得一讚🥳
continue reading
今日同小朋友👫在銅鑼灣行街，行到時代廣場見到對面有間Transformers The ARK 變形金剛主題餐廳，小朋友們都尖叫地要過去睇，它的外觀都很吸引🤩，入面還有一個巨型會郁動的變形金剛，原來一邊是餐廳，另外一邊是買變形金剛玩具和衣服物品…還可以上一樓，坐位都較多，旁邊還掛滿了很多變形金剛氣球🎈，可以選自己喜歡的一個取走，樓上有電視播放和音樂，我點了pizza🍕+ －杯藍色星光 (青檸梳打），仔仔竟然有戰利品，他選了三件變形金剛短袖T-shirt，前後都有他喜歡的戰士圖案，他滿心歡喜，下次一定再來，推薦給家長帶小朋友來。😃
continue reading
Transformers The ARK📍銅鑼灣羅素街38號金朝陽中心地舖至1樓A&B號舖日前碌過一、兩個posts，發現有好多人議論紛紛，討論銅鑼灣地標餐廳之一嘅Transformers餐廳係咪即將結業，引起咗我對佢嘅留意同興趣。自問去親銅鑼灣，無十次都有九次會經過或見到呢間門面咁搶眼嘅餐廳，但無一次停低過腳步了解到底有咩好食。今次再踏足銅鑼灣，我同朋友決定唔book任何餐廳，直接去呢間全球唯一嘅Transformers餐廳食晚餐，順便探究一下到底有咩原因，令一向愛去卡通造型餐廳、非對Transformers反感嘅我，都不曾幫襯一次。我必須先同大家講，呢間餐廳overall係值5星好評，去完除咗開心、飽足，我亦有一絲不捨、惋惜。開心係因為見到員工嘅殷勤、裝修嘅用心；會不捨係因為見到大環境下人人北上消費，連咁大嘅集團都捱唔住，令咁有特色嘅一間餐廳、咁有熱誠嘅一班員工，面臨結業、失業嘅難關。 💰$45/2個海苔鱈魚堡 🍔暑假期間，Transformers The ARK推出極筍優惠，即日起至8月23日，可享$45買一送一優惠，購買2個海苔鱈魚堡！呢個鱈魚堡嘅包身完美勾畫出正義一方——博派嘅logo，顏色金金黃黃，麵包口感鬆軟綿密，店員用心製作後小心翼翼咁用紙包好，放入盒中，所以毫無「變型」，同宣傳照近乎一樣，值得特別讚賞！除主角炸海苔鱈魚扒，內裏唧滿清新嘅沙律醬，仲夾有新鮮生菜同味道濃香嘅芝士片，即使買一送一都唔會偷工減料。鱈魚扒嘅麵衣帶淡淡嘅海苔香味，表面炸得乾身香脆，內裏魚肉則滋味嫩滑，一口咬落滿足感非常，層次感豐富，完勝好幾間知名國際連鎖店！ 💰$28/2杯朱古力乳酪扭紋雪糕 🍦雪糕同樣有買一送一優惠，分別有朱古力、乳酪同扭紋三款選擇。我同朋友都想一次過食晒兩隻味，所以揀咗朱古力乳酪扭紋雪糕。中杯size嘅雪糕杯唧滿雪糕，唔會好快溶之餘，兩款口味都非常突出，感覺就似咬緊一排高濃度朱古力同食緊一杯超濃縮乳酪咁。雪糕整個口感介乎soft ice cream同frozen yogurt之間，唔會太甜，感覺係比較健康嘅雪糕。當日我坐上層，同場有好多爸爸媽媽帶埋小朋友食嘢，亦有唔少旅客光顧，店員會協助送餐，又會為小朋友送上精美嘅Transformers氣球，餐巾餐紙都印有靚靚logos，絕無半點可挑剔嘅地方，喺嚟緊嘅時間我將一訪再訪，希望喺呢個咁美好嘅地方，多留一點回憶。最後，我想藉呢個少少嘅平台同空間，呼籲大家多啲留港消費、多啲支持本地市場、餐廳、小店。無可否認，內地嘅優質服務同便宜嘅價錢比香港吸引，但香港仍然有高質有禮嘅服務、高性價比嘅美食⋯⋯如果連香港人自己都唔肯留低消費，習慣買隻蛋、買棵蔥都上大陸，日後不同行業相繼捱唔住，恐怕受害嘅最終都係我哋自己。
continue reading