但侍應轉換咗把冇鋸齒嘅刀，好難鋸牛扒。
入座率亦漸漸滿座，當吃完牛扒，率備吃埋啲薯條之際，突然有個男員工攞張單叫我埋單，同時亦有幾枱都叫佢地埋單，當時係12:48pm，乜入場嗰陣唔係話用餐時間係1.5小時咩？我聽到其他枱都有咁問，咁我就攞信用卡俾佢，順便問下佢，乜唔係話用餐時間係1.5小時？咁我可唔可以坐多一陣，因為想吃埋啲薯條，10-15分鐘左右啦！
個男員工就話因為有16個人要枱，如果我想繼續吃就幫我轉枱，我嗰陣聽到好唔開心，你其實都見到我剩返薯條，我又唔係hea坐，洗乜催我埋單，佢地walk in 16人，就趕客走呀！16個人呀大佬！又冇訂位！咁容易連位坐呀！如果佢哋有訂位就係餐廳安排不周，冇留位俾人地。
咁坐我地位嗰兩人唔可以等下呀！我訂咗位黎先㗎！咁點解唔叫佢地坐住另外嗰兩個位，我吃完先搬佢地返黎坐呀！仲叫我轉枱先吃埋啲薯條呀！佢唔係問我介唔介意轉枱喎！佢係命令咁喎！如果我要繼續吃就幫我轉台，呢件事令到我用餐好唔愉快！其實我之後吃左10分鐘都走啦！何必咁對客人！
雖然呢間餐廳好多人黎，但如果係咁樣對客人，遲早客人會唔黎，因為餐廳對顧客唔體貼用心！
希望將來會有改善！
