Video
Read full review
2017-08-01
290 views
呢晚嚟到Me Bar+Grill,係間酒吧餐廳嚟.呢邊牆就用咗名畫蒙娜麗莎嘅圖案做裝飾,環境幾有特色.抬頭一睇先發現天花板都有乾坤,掛咗唔同嘅霓虹燈字句.餐牌方面,由前菜,小食,主菜,意粉,甜品都有,同一般西餐廳冇太大分別.酒精類非常豐富,亦有mocktail等非酒精類飲品去揀.而且推廣期內即場讚好餐廳嘅facebook或instagram仲會有九折優惠,即係變相唔洗加一.先試飲品,呢杯Mango Smoothie係mocktail嚟,另外仲有熱情果,士多啤梨或椰子味去揀,飲落解渴.餐牌寫呢杯Gaarden Rose係用Hoegaarden Rosee,冧酒,士多啤梨汁同青檸汁調成,拎到嚟之後侍應先將一整支Hoegaarden Rosee倒轉,杯邊仲蘸咗鹽粒,賣相唔錯.Hoegaarden Rosee即係桑莓味啤酒,飲落微酸消滯,幾啱女仔口味.酥焗菠菜芝士釀大啡菇焗得既香噴噴又多汁,上面嘅煙肉香脆,菠菜嫩而冇渣,芝士雖然冇拉絲效果,但加埋一齊食口感唔錯.汁焗水牛城雞腿,起初以為嗰一瓣瓣橙紅色嘅嘢係番茄,睇清楚先知其實係切件鮮橙嚟,另外仲有大量洋蔥.雞腿有六隻,外皮微焦,雞肉唔乾身,食落
呢晚嚟到Me Bar+Grill,係間酒吧餐廳嚟.
呢邊牆就用咗名畫蒙娜麗莎嘅圖案做裝飾,環境幾有特色.
抬頭一睇先發現天花板都有乾坤,掛咗唔同嘅霓虹燈字句.
餐牌方面,由前菜,小食,主菜,意粉,甜品都有,同一般西餐廳冇太大分別.
酒精類非常豐富,亦有mocktail等非酒精類飲品去揀.而且推廣期內即場讚好餐廳嘅facebook或instagram仲會有九折優惠,即係變相唔洗加一.
先試飲品,呢杯Mango Smoothie係mocktail嚟,另外仲有熱情果,士多啤梨或椰子味去揀,飲落解渴.
Gaarden Rose
26 views
0 likes
0 comments
餐牌寫呢杯Gaarden Rose係用Hoegaarden Rosee,冧酒,士多啤梨汁同青檸汁調成,拎到嚟之後侍應先將一整支Hoegaarden Rosee倒轉,杯邊仲蘸咗鹽粒,賣相唔錯.Hoegaarden Rosee即係桑莓味啤酒,飲落微酸消滯,幾啱女仔口味.
酥焗菠菜芝士釀大啡菇
20 views
0 likes
0 comments
酥焗菠菜芝士釀大啡菇焗得既香噴噴又多汁,上面嘅煙肉香脆,菠菜嫩而冇渣,芝士雖然冇拉絲效果,但加埋一齊食口感唔錯.
汁焗水牛城雞腿,起初以為嗰一瓣瓣橙紅色嘅嘢係番茄,睇清楚先知其實係切件鮮橙嚟,另外仲有大量洋蔥.
雞腿有六隻,外皮微焦,雞肉唔乾身,食落辣味啱啱好,仲有淡淡嘅鮮橙甜味,感覺討好,不過在我嚟講如果可以多少少酸味就更加好.
Post
