Read full review
2010-12-10
229 views
其實爸爸已經黎過名人坊兩三次，只係次次都冇我份。今次契爺契媽由外國返黎，佢就提議一齊去試下，順便比個機會我寫新食評。因為喺openrice到睇倒有好多菜式都要預訂，所以當日打電話訂位時就叫埋餸。我對佢地既食物熟識程度高到連聽電話位姐姐都嚇左一跳，重好感激我地介紹朋友黎幫襯添。酒店既地點只有的士去到門口，而且放工食飯時候好塞車，搭其他交通工具去又要行Ｄ斜路，可以話唔係好就腳。餐廳面積比較細，感覺有少少逼，枱既數目唔多，十隻手指數得哂，所以一定要訂位。如果有需要，門口嗰幾張枱係可以間成一間房。冷氣做得唔錯，因為唔會有風位吹到客人頭暈暈。裝修都既有心思，有中國味得黎又唔會好娘：大家睇下牆上既3D畫：雖然我地一早訂定餸，不過姐姐都好有心機再介紹餐廳既招牌菜比大家聽。服務態度專業誠懇，不時換碟外，重會經常過黎睇下我地有冇其他需要。 冰陣鮑魚：罐頭鮑也。 煎蘿蔔糕（免費贈送）：全年都有，隔日就做。煎功一流，皮脆餡嫩；不過可能唔係蘿蔔既季節，所以有少少苦。 炒肚尖：少辣既肚尖薄得黎好夠熱，又爽口，重要做到一Ｄ都唔押，必吃之選，讚。 龍利葉煲鰂魚湯（師傅贈送）：甜得黎好有魚味且唔腥，非常足料。 頭抽生
因為喺openrice到睇倒有好多菜式都要預訂，所以當日打電話訂位時就叫埋餸。我對佢地既食物熟識程度高到連聽電話位姐姐都嚇左一跳，重好感激我地介紹朋友黎幫襯添。
酒店既地點只有的士去到門口，而且放工食飯時候好塞車，搭其他交通工具去又要行Ｄ斜路，可以話唔係好就腳。餐廳面積比較細，感覺有少少逼，枱既數目唔多，十隻手指數得哂，所以一定要訂位。如果有需要，門口嗰幾張枱係可以間成一間房。冷氣做得唔錯，因為唔會有風位吹到客人頭暈暈。裝修都既有心思，有中國味得黎又唔會好娘：大家睇下牆上既3D畫：
雖然我地一早訂定餸，不過姐姐都好有心機再介紹餐廳既招牌菜比大家聽。服務態度專業誠懇，不時換碟外，重會經常過黎睇下我地有冇其他需要。
冰陣鮑魚：罐頭鮑也。
煎蘿蔔糕（免費贈送）：全年都有，隔日就做。煎功一流，皮脆餡嫩；不過可能唔係蘿蔔既季節，所以有少少苦。
炒肚尖：少辣既肚尖薄得黎好夠熱，又爽口，重要做到一Ｄ都唔押，必吃之選，讚。
龍利葉煲鰂魚湯（師傅贈送）：甜得黎好有魚味且唔腥，非常足料。
頭抽生蠔：睇倒相內既煙都知好夠熱。每一隻蠔都好大隻，做得乾身得黎個皮好脆且咬落好juicy，鮮味無比，全晚最欣賞既菜式，必吃推介。
桂香肉：薄薄既豬肉真係好香，入口好似有椰油味咁。雖然唔可以即溶喺口，不過肉質好軟熟。
花彫雞：離遠已經聞倒濃烈既香味；雞肉嫩滑唔肥，正。
上湯勝瓜：好清既一味，配料有蝦米同蒜頭；勝瓜好新鮮，唔苦。
成餐飯真係一滴多餘既油都見唔倒，食物又唔會咸，感覺食得非常健康。
生果：好清甜，紅色既火龍果尤其爽口。唔講真係唔知，紅色既火龍果原來係鄭師傅自己喺清遠既農場種架，有成兩萬幾棵，保證冇人造色素。唔係好食火龍果既我都好欣賞，真係好難得。
飯後師傅重出埋黎同大家傾計，睇下大家對餐廳同食物有乜意見。走嗰陣時重送埋我地出門口，認真客氣。
Post
