47
11
8
5-min walk from Exit E1, Sheung Wan MTR Station continue reading
Telephone
3650 0066
Introduction
Celebrity Cuisine serves high-end Chinese dishes such as Abalone and Sparrow’s Nest. continue reading
Awards and Titles
Michelin 1 Starred Restaurant (2010, 2017), Michelin 2 Starred Restaurant (2011-2016)
Opening Hours
Mon.-Sun.: 12:00-15:00, 18:00-22:30
Payment Method
Visa Master Cash
Number of Seats
42
Other Info
Alcoholic Drinks
May Bring Your Own Wine Details
VIP Room Details
Parking
Phone Reservation
10% Service Charge
Outdoor Seating
TV Broadcast
Signature Dishes
百花釀蟹鉗 花紹焗雞 海鮮盆 脆皮BB鴒 燕窩釀雞翼
Review (69)
名人坊位於九如坊的蘭桂坊酒店,明明很近,偏偏我去到很遠,因為我以為是中環的蘭桂坊酒店,去到酒店大堂打給朋友。。。。頂!去錯。半個小時後終於嚟到,再細心睇食評原來呢一間餐廳已經攞咗米之蓮星級好多年啊。呢度嘅中菜與別不同,能夠從傳統破格,變化出更加美味的高級粵菜。先來嘅有贈送的煎蘿蔔糕,最欣賞嘅就係佢懂得利用香港最地道的風味,就係呢個橙色的辣椒醬,乾炒牛河永遠佢都會出現,配搭蘿蔔糕係一絕嘅!第一道菜來的係蛋白蒸蟹鉗,自己覺得呢就冇禮賓府嘅花雕蒸蟹鉗咁出色,但係呢蛋白蒸得香滑,味道調校得剛好,配上新鮮的大蟹鉗,已經令人印象深刻。接着嘅係得奬名菜海鮮百寶盒,做得精細美味,口感鬆化,海鮮份量亦都好多。係一個不錯嘅開胃前菜。(八寶盒係要預先訂制,有興趣嘅話一定要打電話去訂)然後就係呢一個砂鍋焗筒蠔,筒蠔炸完再焗都依然10分大隻,外邊脆帶點點汁,裏面係先甜嘅蠔味。惹味。而且份量很多,足料之作,味道唔會過火,剛好同蠔嘅鮮味相輔相成。另一個精彩彩色就係呢度嘅走地雞,香港嘅走地雞已經買少見少,呢度嘅走地雞肉質鮮嫩,但仍然富有口感,走地雞做過運動果然唔同啲,皮嘅脂肪唔會太多,薄薄的雞皮食落去更加美味,做法能夠保持走地雞的鮮甜,而且大少少鹹味令味道更加突出。呢一個都係要訂咖!當晚仲飲左一個驚喜嘅紅酒,幫我地探討緊點解呢佢要指名係未知邊一地種嘅提子,朋友就係呢度講笑啦!原來特別寫明邊一塊田種出嚟嘅提子去釀製,係特別精彩咖!配上走地雞同埋焗蠔,都能凸顯出邊一個紅酒嘅味道。一個好好嘅matching . 菜呢我哋就點左呢一個上湯扒豆苗,我本身好鍾意食豆苗,生熟到剛好唔會太老,吃得出菜嘅綠油油感覺,只需要配上少少嘅瑤柱絲同埋上湯已經10分美味。甜品都係另外一個驚喜之作,天山雪蓮配蓮子糖水,青得來夠滋潤,仲有美味嘅柚同埋水果,為晚飯畫上完美句號。簡單到一碟蘿蔔糕或者一夾炒菜,都做得細緻而且係食物味道配搭上面下定功夫,怪不得能夠多年維持米之蓮質素,事實上呢度食嘅唔係去到好高級嘅食物,反而簡簡單單,小菜三幾款都食得出廚師的真味。 continue reading
(The above review is the personal opinion of an user which does not represent OpenRice's point of view.)
Level2 2017-01-24
522 views
第一次來到名人坊高級粵菜食, 之前睇過OPENRICE 既評價, 大部分都係好評本身都鐘意搵米芝蓮餐廳, 因為質素比較有保證雖然呢間中菜餐廳係2017年跌番做米之蓮一星, 我舊年11月去食既時候都仲係2星主廚鄭錦富係林百欣既家廚, 我估能夠係大富之家既人身邊留甘耐有一定既實力因為第一次去食既關係, 所以叫左比較多野食富哥炒飯: 果然做到炒到一粒粒都分明, 唔油利, 但係對我黎講味道偏淡, 不過我反而佩服佢既刀工, 蔥切到好細粒, 細到好似一粒米甘, 係人都知切野係煮野食既基本功,  但係呢碟飯既蝦係冇咩鮮味, 應該係雪蝦, $288, 名氣好大, 味道還可燕窩雞翼:  有好多燕窩係入面, 而且係熱騰騰, 係新鮮炸起, 皮甜甜地瑤柱蛋白炒蛋絲: 都係欣賞佢既刀工, 反而味道一般, 值得一講係佢既芽菜好甜唔星, 我都好想知佢點煮呢度菜蘿蔔糕: 非常好味! 我平時係唔點食呢樣野, 因為平時食平價蘿蔔糕通常都係成口粉冇咩味, 富哥既蘿蔔糕係食到蘿白絲, 佢跟既XO醬(規定要叫, $30/碟) 好好味, 好多瑤柱絲侍應服務態度都好好, 點菜都即時行過來反而裝修就唔太靚, 太多紫色有糖水送, 味道可以, 連子唔苦, 好難得最後主廚富哥走來問我地覺得岩唔岩食, 雖然都係門面功夫, 不過都證明到佢重視客人, 我之前食其他米芝蓮2星既中菜餐廳晚餐都未試過有甘既招待。整體來說, 滿意, 亦都覺得富哥好似佢訪問所講, 客人係好重要 continue reading
(The above review is the personal opinion of an user which does not represent OpenRice's point of view.)
Level4 2016-09-04
4423 views
save咗好耐,但每次想嚟嘅時候就覺得,又名人坊,又高級粵菜,實講個名真係幾俗套,連續幾年有米芝蓮2星,仲要serve開啲大粒名人客㗎喎,主觀地覺得應該會好大牌,所以一直都徘徊在似想試又唔想試之間。咁橋今日電視介紹呢度喎,橫掂又諗唔到食乜好,就走嚟試吓!打個電話訂檯先,聽電話嘅職員又幾好禮貌喎!希望到時都OK啦!一到酒店lobby已經覺得service不錯,職員勁有禮貌咁問我去幾樓,幫我噤埋1樓,印象都幾好。上到去店員已經勁有禮貌滿臉笑容咁話我知邊張檯係我哋嘅,吖服務又真係唔錯喎!set lunch唔係太吸引,於是我哋選擇散叫由$38至$48嘅點心燕窩釀雞翼 ($128)非常花心思嘅一道菜,先將生雞翼去骨,再用成萬幾蚊一斤嘅印尼官燕用上湯熬,跟住先釀入隻雞翼度,吊乾2至3個鐘之後再喺雞皮上搽麥芽糖水,咁樣先落鑊炸。唔好睇隻雞翼細細隻,雞皮金黃色超靚又脆卜卜,雖然係炸,但一啲都唔覺得油膩。一切開,哇啲燕窩係多到必晒出嚟㗎!諗都冇諗過,竟然嫩滑嘅燕窩會多得過雞肉?!真係要講句,唔係咁抵食呀嘛?西菜鯪魚球 ($48)哇好大粒鯪魚球!好似棉花咁軟綿綿,零腥味,仲充滿蔥及芫茜嘅香味;墊底嘅竟然係好多芥菜膽,超驚喜!鮮甜不特止,仲要冇渣,勁嫩!好好味!蜜餞叉燒包 ($38)即叫即蒸,熱辣辣出爐;最憎叉燒包入面嘅餡有好多肥膏,但呢個真係非常啱,全部都係瘦叉燒,啖啖肉,個汁又唔會過甜,好味!飄香荷葉飯 ($240)塊荷葉勁新鮮,就算蒸完都仲可以保持濕潤,唔會乾爭爭好核突咁嘅樣。一打開塊葉,非常吸引,因為鋪滿鮮甜嘅蟹肉;鴨肉又多,仲要唔係好鞋好硬嘅鴨肉;而蝦粒亦都非常新鮮,可惜有啲未拎走條腸,有啲唔好睇;荷葉嘅清香未能夠完全滲入飯中,有啲失色;不過要讚嘅係米飯粒粒分明又有韌勁,輕盈又乾爽~雪耳龍眼杞子糖水竟然有糖水送?唔知幾耐冇試過去食飯送糖水喇,仲要唔係求求其其咁喎!平時送嗰啲糖水,通常都係糖水多過料,當差唔多送完嘅時候就加水再煲,乜味都冇... 但呢個唔係喎,唔算好甜,啲料係多到每一啖都係80%料20%糖水... 凍凍哋做個結尾,非常滿足真係要講句唔好意思,原來呢度對於每位客人都係一視同仁,冇因為係米芝蓮餐廳就好囂張,每碟菜都食得出係有心思去買食材及去煮,下次一定要試晚飯! continue reading
(The above review is the personal opinion of an user which does not represent OpenRice's point of view.)
Level4 2016-08-07
3778 views
今天同hubby 再續米芝蓮之旅,是次要試的是米芝蓮二星的名人坊。餐廳位於上環一酒店內,裝修清雅,座位唔多,眼見只有六張枱。點心價格由38到48不等,而午市套餐則由198一位起,包四餸一湯一甜品。我們點了午市套餐一試其炒菜功架。粟米鮮准山紅蘿蔔湯:味道清甜,有住家湯的味道,好適合夏天飲用。椒鹽九肚魚:炸皮很薄,質地香鬆脆滑,完全唔覺得油膩,很有水準。鹽燒牛腩煲: 牛腩超水準表現,有煲仔的香,肉質軟稔帶嚼勁,仲好有肉味,個汁是很簡單的腩汁,無其他的花椒八角,咬落去真的以為自己食緊和牛!這絕對是我食過最好的牛腩!!強烈推介!燒乳鴿:乳鴿細細隻,皮脆肉嫩,加上椒鹽更香口,肉汁豐富又唔乾,不錯!木耳炒絲瓜:清清地,唔係咁特別;但配上xo 醬,味道豐富一點,瑤柱味十足。木瓜雪耳糖水:輕甜,感覺滋潤清甜,有雪梨粒木瓜粒等。總結:環境舒適恬靜,味道不錯,服務一流,是名符其實的二星餐廳,推介! continue reading
(The above review is the personal opinion of an user which does not represent OpenRice's point of view.)
出外吃飯, 最重要的是「跟師傅」。畢竟廚藝是一種很個人的藝術, 即使有食譜在手, 不同人做出來的東西都不一樣, 味道可以相差很遠。常常聽食友說, 名人坊的 鄭錦富富哥 是粵菜之中的第一人, 簡單的一個炒飯, 到了他的手中, 也變得美味異常。為人低調的他務實不花巧, 時常都留在名人坊的廚房之中, 事事親力親為, 在這裡用餐畢竟是有水準保證的。直至去年, 富哥被台灣高雄的漢來名人坊邀請成為了客席主廚, 才偶爾會見他不在店中, 飛到高雄那邊做指導去了。對我來說, 要好好的吃一次粵菜是一件勢在必行的事, 也是一個極大的投資。今次的夜宴對我來說, 重點在富哥。現下跟飯局同去, 既可以吃到最多的款式, 又必定會是由富哥主理, 真是百利而無一害。琵琶豆腐 // 欖菜四季豆今次所吃的食物以味道為主, 賣相沒有特別的華麗, 或許是和富哥的性格相襯吧。去之前沒有好好研究菜單, 認不出這個金黃飽滿的, 是琵琶豆腐。一般來說是把豆腐混魚膠、冬菇, 攪拌成蓉, 再勺成小枇杷的形狀炸香。不過今日在名人坊所吃的, 豆腐並無攪爛, 口感更滑。只是豆腐本是易碎之物, 這樣處理的話更需要的是一雙巧手吧。小碟之上另有欖菜四季豆、煎蘿蔔糕一片, 甚是豐富。椰皇燉螺頭雞湯椰子煲雞一向是我中意的湯水, 味道又清又甜。只不過這個湯呀, 實在用的不是椰皇而是老椰子的肉, 否則哪有這樣厚的椰肉呢。椰子的味都煮到湯中, 椰肉則棄之不吃。以老椰子煲湯, 大概是靈活的廣東人才想得出來。燕窩釀雞翼若說是首本名菜, 富哥的招牌一定是燕窩釀雞翼。以前, 燕窩被視為對身體健康的食材, 產量不多, 所以價格很矜貴; 但近年人們對燕窩的看法已變, 這食材的人氣度已是大減。個人看法是, 任何食材只要不是過量, 對身體的影響都不會大, 「燕窩養癌」芸芸, 大可不理之。釀雞翼是一道花時間的功夫菜色, 逐隻雞翼去骨已經夠麻煩, 釀入燕窩還要風乾數小時才可以拿去炸, 準備時間可不短呢。聽飯局舉辦人KC介紹, 才知道釀燕窩是高難度動作: 釀少了, 雞翼不夠漲卜卜, 就不好看了; 但釀得多了, 雞翼就會爆開, 也算失敗。但看碟子上的這一隻, 金黃飽滿的, 真漂亮。燕窩本來沒太重的味道, 要先以上湯煨之, 才算加了點鮮。此釀雞翼入口香而不膩, 難怪達官貴人們都為之深深著迷呢。焗釀蟹蓋沒想到, 這一味焗釀蟹蓋, 竟是off menu之選。若是自己來吃, 一定會與之錯過吧。單看賣相, 訝異於此蟹蓋的size頗小。不似別的名中菜廳, 愛選用大隻的花蟹, 再加個金色的蟹型碟子做配襯, 唔食得都打得嘛。但低調之極的賣相之下, 是滿滿的塊狀蟹肉。別的材料極少, 口口都是鮮甜, 說是最好吃的焗釀蟹蓋, 絕無誇張失實之嫌。正正印證了味道的好壞, 和用料的大小, 實無關係。掌廚的心機, 才是最重要的。紅燒33頭日本吉品鮑魚佛跳牆這奢華的菜, 就是今晚的主角。海味博大精深, 真不敢在此胡說八道。只見富哥做的鮑魚顏色比較深, 味道也比較濃。食友請富哥賜教, 富哥卻是略帶腼腆地說沒有甚麼秘技, 只是不似普通人做鮑魚是用「煲」, 他為了把鮑魚的味道保持在鮑魚之內, 用的是「蒸」。且不說怎生去蒸才可以把鮑魚蒸得柔軟不糯, 但富哥這做法真令人心悅誠服呢。由其是當廚師是在料理比較靚的日本吉本鮑之時, 若是把鮑魚之鮮甜都煲出來化在鮑汁之中, 那鮑魚吃起來口感再好, 味道卻會是稍次。但富哥這是把鮑魚最好的口感, 及鮑魚最香之味盡數保留, 這鮑魚吃起來, 才叫一等一。至於用「蒸」之法出來的鮑汁味道會比較差, 也是無可耐何的事。畢竟鮑魚之香不是在鮑魚之中就是在鮑汁之中, 比魚與熊掌更是不可兼得。在我來說, 吃鮑魚就是吃鮑魚, 鮑魚是主鮑汁是副, 主次還是分明的。因此更為富哥的做法大感心折。以鮑汁配襯同吃的翅、參、花膠, 味道上也自自然然是有點不同。小妹意想天開, 若是另擇次一級的鮑魚榨其精華, 棄鮑肉只取鮑汁, 用之作醬烹調翅、參、花膠, 那豈不是鮑魚鮮香, 別的也是甜美無比? 只是這樣一來, 這一碟菜勢必要定為天價才可。花雕焗飛天雞父母孩童之時吃的都是通山跑新鮮雞。我小時候吃的已是飼養雞, 但至少是在街市一刀放血, 雞隻拿回家烹調時還是微溫的。到了今天, 想找新鮮雞可不易。所以當一家餐廳是用新鮮雞奉客之時, 這一味, 是很難會不好吃的。單是金黃的雞皮已是令人垂涎三尺。這個時候不會跟我說甚麼健康不健康, 這皮是吃定的了。皮下脂肪不多, 皮爽香甜, 濃郁的咸香真的非常好吃。雞胸的部分也可以做到有汁又嫩, 還挑剔甚麼呢。家鄉蒸龍躉很傳統的廣東式蒸龍躉。龍躉的味道本來是比較濃厚的, 加上冬菜同蒸, 可以平衡那厚實的味道, 比較清爽。莞茜的作用也是一樣。小妹好彩, 恰恰分到魚鮫之位, 肉質特別的有彈力, 咬起來不輸又彈又滑的魚皮。我本人其實不太中意吃魚皮, 但龍躉的魚皮卻是萬萬不可不吃。狀甚似花膠, 微粘的, 彈力很高的, 是極品。家中若是蒸煮龍躉的話做法和這裡一樣, 不過魚塊會厚身一點, 接近正方體。吃慣吃熟, 還是覺得魚肉在厚切的情況下, 更有口感更好吃。雲腿扒菜膽富哥招牌炒飯炒飯看來簡單, 但在富哥心中不知怎地就做得特別好吃。飯粒的軟硬口感恰到好處, 不濕不糯, 微微的有點張力。蔥花、火腿、蛋花、薑米的份量是經心調配的, 相互輝影也互不侵犯, 誰也搶不了誰的風頭。名人蛋紅棗茶結尾的甜點很是養生, 不過最特別的地方還落在名為「名人蛋」的蛋之上。富哥有感他的支持者比較注重健, 一頓盛宴之後, 很多人都不想吃並稱為高膽固醇的蛋黃。但浸在甜糖之中的蛋, 難不成咬掉一半再叫大家自行棄置蛋黃嗎? 不可能。於是富哥就想出把蛋殼抽乾, 再重新注入蛋白, 做出只有純蛋白的名人蛋。多費手功, 只為細心地做出食客喜愛之物。廚師的巧思, 就在小節之上看出。要明白了解粵菜, 要學的事還多呢。深明不易為但也要走上的路, 有如此決心的又豈止我一人。若是可以明瞭落手者的苦心, 欣賞之餘更可以留下平言隻字, 讓食物留存後世, 才是快哉! continue reading
(The above review is the personal opinion of an user which does not represent OpenRice's point of view.)