Y Pasta

今日同朋友慶祝聖誕節，去咗沙田影燈飾，順路去咗好運中心睇吓有咩好食。見到有間氣氛唔錯，主打意粉的西餐廳就入去試吓。環境寬敞坐得舒服，聖誕氣氛滿滿，佈置得好有氣氛。意式香草焗雞翼雞翼新鮮焗起熱辣辣，雞翼外皮香脆，肉汁Juicy，份量十足有六隻，伴了沙律菜，賣相靚又健康。黑松露野菌醬薄餅Pizza係薄底傳統的，香脆又鬆化，上枱已聞到陣陣黑松露的香氣。黑松露份量滿滿，夠足料。意式豬面肉卡邦尼蛋汁意粉每一條意粉都掛滿了卡邦尼蛋汁，有濃濃的蛋香，豬面肉也帶出油香，豐富了口感。總括嚟講食物質素唔錯，主打手工意粉，和出面的比較，多咗一份誠意。