Y Pasta

13-7-2025（Sun）晏晝，同老公搵地方食晏，荃灣開始食到厭，要去第二區食，記起沙田有研香，於是同老公先嚟mark咗好耐，一直冇機會嚟食嘅呢間，我哋嚟到時，啱啱剩低最後一張好啲嘅二人枱，聽到店員好似話75分鐘用餐時間，同呢日精選甜品係檸檬巴斯克蛋糕。睇完menu掃QR code落單，我哋要咗兩個同樣$148.00嘅brunch。落完單冇耐，先嚟老公嘅凍檸水走甜，然後係兩個餐湯：2. 加$20.00嘅法式芝士浮台洋蔥湯放低時，女店員俾一小樽白蘭地，話滴幾滴落洋蔥湯喥會好飲啲。估唔到會咁講究，我哋先唔滴飲吓先，有好多洋蔥，湯嘅味道好濃，滴咗白蘭地後，味道更提升。法式芝士浮台係芝士多士，正常嘅脆口。5分5. 香濃野菌湯飲落亦係濃郁好味，同之前帶爸爸去Marka House（ https://www.openrice.com/zh/hongkong/r-marka-house-%E8%8D%83%E7%81%A3-%E6%84%8F%E5%A4%A7%E5%88%A9%E8%8F%9C-all-day-breakfast-r649481）飲過嘅一樣（食評係2020年6月22日提交嘅呢篇：

呢間手工意粉專門餐廳，真心好好食！今次試咗個香煎虎蝦香辣番茄長通粉，一上枱已經聞到陣陣香辣味，虎蝦大大隻，煎得啱啱好，外脆內彈牙，仲要有兩大隻，好足料！個番茄醬汁辣得嚟好開胃，仲食到啲蒜香味，同長通粉撈勻之後，每啖都掛滿汁，好正！ 跟住仲叫咗個菠蘿小龍蝦薄餅，餅底薄脆，芝士拉絲，小龍蝦肉唔會太乾，加埋甜甜哋嘅菠蘿，成個配搭好夾，食落好fresh，唔會覺得膩。 飲品方面，試咗杯熱粉紅玫瑰牛奶，個樣已經好靚，飲落有淡淡玫瑰香，牛奶好滑，甜度適中，飲完成個人暖笠笠，好舒服。另外仲叫咗杯菠蘿汁，走冰嘅，所以味道好濃郁，酸酸甜甜好解渴，同啲食物好夾。

餐廳裝潢簡約，環境整潔，座位寬敞。牛油白酒蜆肉意粉 蜆肉肉嫩鮮甜，意粉彈牙，充滿牛油香味。建議新解立即食，有滿滿的牛油香💛巴馬火腿火箭菜薄餅薄餅大塊，餅底香脆，鋪上健康的車厘茄，新鮮的火箭菜，惹味的巴馬火腿和濃味的芝士，味道層次豐富。而且好大份，岩晒同朋友share!青蘋果汁青蘋果汁，甜味足夠，加了冰粒，冰涼清新。餐廳上菜快，服務態度良好。食物有特色又美味。若然餐廳能播放背景音樂，相信能為客人帶來更豐富的用餐體驗。

星期五晚同朋友喺沙田食飯，揀左呢間位於好運中心嘅手工意粉餐廳。好快有得入座，唔使等，呢度用QR code落單。我哋叫咗一個限量嘅波士頓龍蝦忌廉濃汁扁意粉，同埋一個紅酒燴牛肋肉配香滑薯蓉。上菜速度都好快，呢半隻龍蝦啖啖肉，亦都有好多龍蝦膏，鋪咗芝士喺面，焗得都好好食，佢嘅香濃忌廉汁比較濃郁，好掛身，配扁意粉，簡直一流。其實意粉種類係可以俾你隨便揀嘅，不過我都係鍾意食扁意粉，所以最後都冇配到其他意粉，下次可以試吓佢嘅其他手工意粉。牛肋肉份量都好多，紅酒汁好香，同埋最鍾意嘅係佢哋個薯蓉底，真係食唔停口。雖然價錢偏貴，但係佢哋質素都算中上，而且座位闊落，環境都好適合同朋友傾偈，下次喺沙田搵高質西餐，我都會選擇呢一間。

-同朋友來Y pasta 敘舊 ⁡叫左2個lunch set CP值極高⁡🍝香濃肉醬意粉 以豐富嘅蕃茄肉醬為基底，肉碎鮮嫩，醬汁濃郁中帶有羅勒同香草嘅淡淡芬芳，意麵煮得 咬口彈牙，配上微融芝士，味道層次分明，食落去滿足感爆棚！⁡👼南瓜菠菜椰菜花天使麵係一個驚喜，細滑嘅天使麵混入南瓜嘅天然甜味，菠菜同椰菜花增添咗鮮綠色調同清新口感，醬汁 creamy 又唔膩，健康同美味兼得。⁡🐓雞軟骨肉丸加入咗彈牙嘅軟骨同 食落好juicy ，提升咗整餐嘅風味，份量同創意都令人讚不絕口！⁡ 🏡 店內環境溫馨雅緻，採光柔和，木質裝潢同舒適座椅營造咗一啲輕鬆又高雅嘅用餐氣氛，朋友敘舊一流，服務員態度親切❤️⁡整體服務質素值得一讚！

睇完姨甥女嘅畢業典禮，同媽媽一齊嚟Y Pasta食午餐。呢度午餐嘅套餐好抵食，揀完主菜之後仲可以升級要酥皮湯、小食同甜品，食到好飽呢🤭主食我哋叫咗由蒜香鯷魚醬、白酒同雜錦海鮮製作嘅鯷魚醬雜錦海鮮意粉，雖然有少少辣，但入口超惹味，啖啖都食到濃郁嘅鮮味。另一個主食係脆炸魚柳意式軟包配自家製他他醬，金黃香脆嘅魚柳配上鬆軟嘅意式包，外脆內軟的口感，豐富又美味。而酥皮湯一上菜就聞到好香嘅牛油味，表面鬆脆，中間嘅野菌湯忌廉味命好濃郁呀😍最後出場嘅係今日嘅自家製甜品-檸檬玫瑰開心果芝士蛋糕，除咗有檸檬同玫瑰香味，面層仲有香脆的開心果碎，令口感更加豐富！✨鯷魚醬雜錦海鮮意粉✨脆炸魚柳意式軟包配自家製他他醬✨忌廉黑松露野菌酥皮湯✨香濃野菌酥皮湯酥皮 ✨雞軟骨肉丸✨檸檬玫瑰開心果芝士蛋糕✨榛子牛奶咖啡✨芒果乳酪沙冰

👀餐廳環境：餐廳店內氣氛燈光柔和，坐得舒服，見到有人慶祝生日，氣氛唔錯。⭐️意式香草焗雞翼焗得好香脆，正正外皮鬆脆，內裹雞肉Juicy，仲有少少沙律做陪襯，色香味俱全。⭐️羅勒香草醬慢煮雞肉手製絲帶麵慢煮雞肉令肉質爽脆，冇乜肥膏健康之選，絲帶麵比較粗身煙靭有口感，配上香草醬汁，感覺清新。⭐️開心果仁燈籠火腿夏威夷薄餅火腿加菠蘿呢個配搭可說係絕配，帶點濃味加上菠蘿的清新互相中和，薄餅係薄底，Pizza邊香脆，值得推介。❤️❤️❤️總括嚟講，食物質素唔錯，會再encore。

今日放假同朋友去了沙田行街，行到好運中心朋友醒起這裡有間食手製嘅意粉店，於是就係咁入去了，餐廳環境舒適闊落，環境整潔再望餐廳有假日午餐，當然絕對係唔想多想嘅選擇配搭，9款主食選擇有輕食沙律、香脆薄餅、招牌手製意粉同埋超入味豬肋骨嘅選擇外，跟餐還有餐湯及飲品，重可以升級加埋當天精選甜品今天同朋友兩個人分別點了燒烤醬慢烤美國豬肋骨同波士頓龍蝦（半隻）忌廉濃汁手製絲帶麵，餐湯就點了酥皮忌廉龍蝦湯及法式芝士浮台洋蔥湯用掃code 落單項目清晰方便，等了一會就先上餐湯，香脆酥皮配上香濃忌廉龍蝦湯，湯內還有彈牙爽口龍蝦肉，而且夠晒熱燙燙；朋友的法式芝士浮台洋蔥湯，湯中嘅洋蔥絲炒至半溶軟化，陣陣洋蔥香撲鼻，口感濃厚。在湯中嘅法包就係浮台上面放滿了半溶芝士！法包吸盡洋蔥湯嘅精華，每一淡都味道香濃。上枱時店員還提示有用玻璃滴管盛載嘅白蘭地加一兩滴落湯中吊味，令層次更豐富。廚房速度快，湯都未飲完主菜就已經上枱，大大份燒烤醬慢烤美國豬肋骨，伴碟有清新嘅沙律菜及香脆薯條，而切開每條慢烤美國豬肋骨後，每條都十分軟熟入味，絕對推薦；波士頓龍蝦（半隻）忌廉濃汁手製絲帶麵，開邊龍蝦上鋪滿了芝士，入口龍蝦肉爽口彈牙，加

📍Y Pasta (沙田）與香港手工意粉廠“Eatery90s”合作每日供應新鮮意粉，提供多款特別的手工意粉：手製絲帶麵、手製寬帶麵、手製介指粉和手製薯糰。法式芝士浮台洋蔥湯🧅加上幾滴白蘭地酒提味，更出色，洋蔥湯甜味撲鼻，最最最出色是熱度非常夠，值得一讚。酥皮龍蝦湯波士頓龍蝦（半隻）忌廉濃汁扁意粉🍽龍蝦鮮甜彈牙，焗製過更香濃，配上忌廉濃汁扁意粉更惹味，份量足夠兩個人食。紅酒燴美國牛肋肉配香滑薯蓉🥩軟腍入味的牛肋肉，薯蓉細滑，紅酒味燴牛肋肉濃郁惹味。飲品必嗌-芒果乳酪沙冰- 好重芒果味濃郁香甜，乳酪酸甜沙冰口感豐富。Y Pasta📍沙田橫壆街1-15號好運中心3樓3080號舖#必食 #沙田 #pasta #cafe #高質

💗Y Pasta (沙田)放假近近地去附近悠閑食個brunch~ 餐廳環境簡約舒服 係用QR code落單好方便✨忌廉黑松露野菌湯配酥皮粒粒野菌喺入面 好足料 質感好濃稠✨法式芝士浮台洋蔥🧅湯呢個湯同埋野菌湯都係我好鍾意飲嘅湯，洋蔥有一絲絲嘅洋蔥絲 飲落甜甜地 超正～🐷燒烤醬慢烤美國豬肋骨份量十足嘅豬肋骨 已經焗到好易起骨燒烤醬好入味，唔使點醬都已經好好食配菜有埋薯條同沙律 食完好飽好滿足！🤍QB明太子帆立貝意粉轉手製寬帶麵寬帶麵有咬口同好掛汁 同咸香嘅明太子醬好夾 面頭仲有啲蟹子豐富翻口感 帆立貝都好鮮嫩🥤雜莓乳酪沙冰真材實料嘅沙冰 酸酸甜甜🥤牛油果沙冰勁中意食牛油果 所以見到見到一定要叫🤭🍰伯爵茶芝士蛋糕伯爵茶味同埋芝士味都好出，蛋糕質感軟滑食完正餐已經好飽都要配埋個甜品🐷

環境很有氣氛，服務很好，預約時細心留意到是生日飯局，特意打電話來確認是否要寫生日快樂及名字在甜品上，非常感謝！食物方面，點了豬助骨，很豬排很多肉，軟淋入味，食到最後稍為有點漏，要多人分享。 另外，點了凡立貝意粉，凡立貝燒得很香剛剛好，意粉也不錯，硬度適中。 pizza 點了巴拿馬火腿+火箭菜，餅底不錯，面的芝士很濃，很好！

地方還好，整潔整齊，可能唔係太多人，所以都好寧靜！ 上菜速度正常，唔會等好耐！ 首先嚟咗個沙律， （唔記得影相，俾我哋整爛咗）黑醋藍莓醬，又酸又甜，都幾得意嘅！ 菜都新鮮！ 盡量就正正常常，可以多少少火腿就好啦🤫🤫🤫😎黑松露pizza真係好香，可以考慮encore ！不過記得要趁熱食， Pizza凍咗真係唔好食！海膽意粉，我就覺得過海膽味唔係太過突出！但係佢哋啲汁都好多，所以冇偷工減料，應該係本身海膽係淡淡地嘅味道！ 意粉都煮得唔錯，啱啱好！

喜歡餐廳的cozy, 冷氣充足, 食物又有質素, 在炎熱的日子, 舒適地享用午餐, 是樂事。光顧當天, 餐廳正進行免費特飲活動, 只要符合指定條件, 即可享用。既然如此, 餐飲便點選了罐裝雪碧, 帶回家慢慢享用。Lunch Set1) 冬蔭公雜錦海鮮薄餅 $1082) 香濃野菌湯加酥皮 $153) 罐裝雪碧4) 自家製甜品: 檸檬玫瑰開心果芝士蛋糕 $205) 青桔梳打特飲 (免費)6) all + 10%香濃野菌湯加酥皮是差不多每次光顧均會點選的餐湯, 野菌湯質感稠密, 菇菌味濃, 重點是酥皮, 香氣樸鼻, 酥脆可口。冬蔭公雜錦海鮮薄餅約8"大, 餅底又薄又脆, 面頭佈滿芝士, 雖不太拉絲, 但軟綿濃郁。墨魚, 蜆肉, 車厘茄等材料蠻多的, 整體香辣惹味, 不油膩, 但很飽腹。青桔梳打特飲有開邊青桔, 雖沒有刻意擠壓, 但已有青桔味道, 其清爽的口感與濃味的薄餅十分搭配。檸檬玫瑰開心果芝士蛋糕賣相吸引, 餅底的芝士蛋糕薄薄一層較為稠密, 中間的偏向半熟質感, 軟綿綿的, 配上白色的light cream和大量玫瑰和開心果, 口感十分豐富。值得一讚的是, 是日的自家製甜品原為焙茶栗子巴

話說今日咁啱揸咗車同老best去IKEA睇傢俬，就睇吓附近有咩食，跟住佢講起上次我講過食咗間好好食嘅意粉，佢都好想試，所以我帶佢去咗食呢間y pasta上次我記得食沙律已經覺得好驚艷，所以今次再encore。我哋叫咗烤菜蟹肉沙律配麻香波蘿汁有好多新鮮嘅瓜菜配埋個波蘿汁，好juicy, 酸酸甜甜好開胃。另外仲叫咗波士頓龍蝦（半隻）忌廉濃汁天使麵個波士頓龍蝦啖啖肉好新鮮，將啲膏連埋天使麵撈埋啲汁一齊食好好味，而且份量都算大個芝士牛肉肉醬千層麵好出色，外面有個脆皮嘅芝士，切落去，層次好分明，蕃茄醬同啲牛肉好夾好出色又唔會好溜經典酒香提拉米蘇最後食甜品，我本身想食蘋果金寶配雪糕，但最後朋友話想試個tiramisu，朋友好欣賞佢個cream好滑，我就覺得呢個甜品酒味唔會太濃，太搶味，味道平衡得啱啱好無為意裡面仲有個咁雅致的擺設，食嘢時望下佢都幾舒服最後食咗6百幾, 可以免費泊車

今次行過好運中心，搵到呢間樓上嘅 Y Pasta 食個lunch。套餐包咗前菜湯、主菜同飲品，不過味道就見仁見智喇～🥣 香濃野菌湯呢個湯就真係唔錯，熱辣辣入口，菇香出晒嚟，唔會過鹹，質地夠滑，幾有驚喜。🍝 香辣蕃茄乾慢煮雞肉天使麵主角就比較失色，雖然麵條煮得唔會過腍，但成碟偏油，食到底有層油浸底。雞肉份量少得可憐，咬落唔算特別嫩滑。香辣味就有少少，但唔算好突出，味道偏單調。🍹 柚子蜜飲品叫咗柚子蜜，有啲淡，唔太甜，柚子味幾清新。如果你唔介意成碟偏油，又唔係太著重肉量，可能會覺得ok。但整體黎講性價比就一般。