THE COFFEE ACADEMÏCS (K11 Musea) (Closed)

平日下晝兩點諗住嚟食過lunch，成間餐廳都係得三四個食客，坐得都幾舒服，不過服務就有啲問題，已經咁得閒，侍應都好少主動，淨係掛住睇電話，要好大動作揮手或者嗌佢先至會過嚟，已經冇乜食客，簡單嘅食物，都要等成20分鐘，碟菜出咗廚房，隔咗一陣，侍應都唔送過嚟，原本想自己過去攞，不過最後都係揮手提提佢。問侍應sparking water係咩牌子，唔知，去check，返轉頭拎支水就咁隊俾我睇，我話OK要，轉頭再攞個杯嚟，喺大排檔嗌支汽水都幫你開埋蓋啦。兩碟食物嘅賣相都唔錯，但係牛油果雞胸肉多士配蛋白就好有問題，之後喺OpenRice睇返啲相，完全唔同，我有嘅只係少少雞肉絲，而唔係一件件嘅雞胸肉，蛋白好明顯溝稀咗，咁嘅質素咁嘅份量，收百幾蚊，完全唔值。食完等咗好耐都冇人理，嚟得呢度本來都想飲杯咖啡，不過都係算啦⋯⋯