羅東肉焿番

Open Now

Now Closed

1號 羅東肉焿湯餐（$79），肉焿湯嘅味道同碗仔翅差唔多，都係傑撻撻嘅芡，但啲肉就OK好食，有咬口，似用新鮮豬肉，另外可選擇要唔要加芫茜蔥、甜辣椒醬、烏醋。魯肉飯啲肉碎接近冇肥肉，比坊間不少店好食，味道不錯（早知+$5轉大飯），半隻鹵蛋正常。餐飲要咗凍冬瓜茶，微甜清爽，跑完步啱哂。2號 乾伴麵餐（$67），麵底類似上海麵，好大份（比飯嘅量多），同樣用魯肉撈嚟食（個人覺得魯肉跟飯夾啲）。綜合丸湯有2粒花枝丸及1粒貢丸，正常合格，湯底就比較清，味道亦正常。燒麻糬（$32），冬日限定，揀咗花生味，有4大粒，煙煙韌韌，OK，但食唔出燒過嘅味道。