羅東肉焿番

Open Now

Now Closed

元朗國優秀好味又便宜的台灣菜羅東肉焿番天使為食妹及惡魔為食妹又出來尋找美食啦,今次來到元朗國,帶同熊本大學畢業的部長及Usagi兔仔試一間開業很久,馳名元朗國的台灣菜小店,味道正宗價錢便宜份量十足,誠意推薦給各位喜歡台灣菜的朋友~招牌鹽酥大雞扒台灣小食必點的大雞扒,外皮酥脆,鹽酥的香氣撲鼻而來,讓人一口接一口很快就吃光光~招牌芋泥肉鬆蛋餅台灣菜的招牌蛋餅,肉鬆及芋泥的份量都滿瀉,芋泥的綿密口感和肉鬆的鹹香相互交錯,又鹹又甜蠻好吃,配上微焦的蛋餅皮很讚~酥炸杏鮑菇酥炸杏鮑菇是一道非常受歡迎的台灣小吃,將杏鮑菇切塊後,裹上調味麵糊或麵粉,再經過油炸使其外皮酥脆,內裡保持多汁~3號芋圓小食套餐配酥炸甜不辣芋圓煙韌,配上仙草紅豆,份量適中,作為是日甜品完美~甜不辣加配小食好便宜,同樣都是煙韌的台灣小食,未必人人喜歡~古早冬瓜茶(熱)&冷泡無糖高山茶店家堅持傳統手工古法熬煮,保留冬瓜的甜度,清甜可口,夏天解渴讓人感覺清爽。冷泡高山茶則明顯用上茶葉親自泡製,非常濃味回甘~羅東肉焿番元朗鳳翔路69號建輝大廈地下5號舖#羅東肉焿番 #元朗 #Taiwan #台灣菜 #香港 #元朗國 #杏鮑菇 #蛋餅

今天又過來吃台灣風味了，元朗雞地真的太多美食台灣香腸魯肉飯魯肉飯醬汁濃郁，是小妹大愛，肉質鮮嫩，搭配台灣香腸的微甜，非常下飯。還有半顆糖心蛋呢，青瓜絲的清脆口感也為整道菜增添了一絲清新。金磚肉鬆芋泥芝士心西多士這款西多士外脆內軟，先來肉鬆及鍊奶視覺沖擊。切開內裏芝士的搭配十分獨特，加上芋泥的香甜更為此道甜品增添了層次感。招牌鹽酥大雞扒招牌菜必點的，外皮酥脆，像是薯片一樣的脆，鹽酥的香氣撲鼻而來，讓人一口接一口。炸薯條薯條金黃酥脆，外面灑上椒鹽粉調味，內裡鬆軟，搭配自製的醬料更是美味。一上枱便一掃而空了。古早冬瓜茶這款冬瓜茶清甜可口，喝上一口讓人感覺清爽，尤其是在炎熱的天氣中，非常解渴。濃厚奶茶這是走前再點的外帶，奶茶的口感醇厚，茶香與奶香的比例恰到好處，非常適合喜愛奶茶的人。這店的每項食品飲品，也令我更掛念台灣呢！📍羅東肉焿番 元朗鳳翔路69號建輝大廈地下5號鋪

說到元朗台灣美食，一定不能錯過羅東肉焿番，每到用餐時間座無虛席，不誇張，之前我們還曾經等過三十分鐘，等到飢腸轆轆也甘願，時至今日仍然人氣不減，羅東肉焿番價格實在，食物美味。鹽酥一口雞絕對人氣炸物王，挺有傳統的台式風味，羅東肉焿番的鹽酥一口雞有事先醃過，所以嚐上來會帶有點點鹹香，剛炸好的鹽酥一口雞品嚐到外酥內軟的快感，雞肉軟嫩多汁。熱騰騰的鹽酥澎湖花枝丸出爐，鹽酥澎湖花枝丸雖然形狀不一，但飽滿又大顆，整個外酥脆內彈牙，咬得到花枝塊，真材實料，鹽酥澎湖花枝丸越嚼越涮嘴，我和堂姐吃得津津有味。紅燒二寶牛肚牛肋肉湯麵湯頭雖然是紅燒的，但沒有牛油，喝起來並不會太油膩，喝進嘴裡還會有一點回甘感。刀削麵長度厚度恰到好處，咬感帶些許咬勁，非常優秀，糖心蛋露出由棕到白的漸層色蛋白，以及橙黃色的流心蛋黃，秀色可餐的模樣好不誘人。牛肉使用的是牛肋肉，大大的一塊，極為厚實的牛肋肉帶點脂肪，羅東肉焿番熬煮到無敵軟腍，真不可思議。牛肚看那樣子都是上上之選，光看色澤就知牛肚入味，嚼起來富有彈性，不會難嚼這點超棒，嚐得出牛肚的新鮮。招牌芋泥肉鬆蛋餅肉鬆跟芋泥都爆出來，料多到不行，堂姐說肉鬆跟芋泥居然這麼合拍，芋泥的綿

雞地有名的台灣菜餐廳羅東肉焿番出左新野，是晚就黎試下😋⭐無糖茉莉花綠茶 & ⭐古早冬瓜茶落完單店員好快就送上餐飲，無糖茉莉花綠茶同古早冬瓜茶都係跟餐送唔使額外加錢，冰冰涼涼幾好飲㗎，綠茶無糖好清香，冬瓜茶都只係微微甜啱口味。⭐紅燒牛肉湯麵先來的紅燒牛肉麵，湯頭濃鬱鮮味，牛肉大大件炆得軟腍，麵條有咬口，好食到湯都飲曬😋⭐一口雞魯肉飯跟住係魯肉飯，上面嘅鹽酥雞粒即叫即炸，熱辣辣好香脆👍魯肉肉醬半肥瘦幾香口，仲有半隻滷蛋同青瓜絲。唔好睇個碗平平無奇，原來好深㗎超大碗飯😝好飽呀。⭐玉米蛋餅蛋餅揀咗玉米口味，同樣係即叫即整熱辣辣，個餅煙韌有咬口，入面包住雞蛋同粟米，加埋少少醬汁已經好好味。⭐抹茶QQ麻糬奶酥厚吐司最後出場嘅就係今日嘅主角奶酥厚吐司，揀咗抹茶qq麻糬口味🤤個抹茶味好重好濃鬱，茶香勁正😍麻糬拉絲口感正，厚吐司有嚼勁，整體嚟講係好好食，想試埋其他口味添😍呢餐好多澱粉質好飽喲，食完真係大滿足🤤

呢間喺元朗台式小食真係好正，食物款式多，味道又夠地道！ 香腸滷肉飯香噴噴，滷肉肥瘦適中，醬汁鹹香十足，拌埋白飯一啖啖咁食，完全停唔到口。再加埋台式香腸，甜甜地帶啲煙燻味，口感彈牙，好惹味！ 雜錦湯麵湯底清甜，麵條煮得啱啱好，彈牙又入味。配料方面，花枝丸、貢丸、甜不辣同蝦卷啲質感唔同，但全部都鮮味十足，仲有台灣街頭小食嘅懷舊感覺，感覺好似返到台灣咁樣！ 甜品方面，仙草芋圓真係無得輸，三色芋圓煙韌又香芋味，蜜紅豆甜而不膩，水晶啲口感滑溜溜，配埋清涼嘅仙草凍，解暑一流。 最後要特別讚嘅係芋泥肉鬆蛋餅，呢個組合真係好食，芋泥香滑綿密，帶啲淡淡嘅甜味，配埋鹹香嘅肉鬆同香口嘅蛋餅皮，層次感爆棚！

首先主食食左香腸乾拌米線，口感爽滑，搭配鹹香香腸，簡單卻開胃，非常之啱香港人胃口，之後配咗牛湯生菜，有得揀紅燒湯/牛湯配生茶，而牛湯清甜加生茶爽口，白菜吸飽湯汁，又滋味樸實又耐吃。而另外一個主食就係什錦紅燒湯麵，湯頭濃郁，配料豐富，麵條吸附湯汁後更顯滋味；搭配左溏心蛋，糖心蛋滷香入味，為餐點增添亮點。飲品方面，凍冬瓜茶清涼解膩，甜度啱啱好，而烏龍茶則茶香清爽，去油解膩。 當然，最驚豔的還是芝士芋泥蛋餅——外皮酥香，內餡綿密，芋泥的香甜與芝士的濃郁完美融合，鹹甜交織，口感豐富，絕對是必點之選！這頓飯從主食到小點都令人滿意，值得再次回味。

喺wechat朋友圈睇到個朋友喺呢間食咗芋泥，於是記低咗呢件事，好啦，今日入元朗做嘢咁就順便嚟幫襯，鋪頭唔係太大間，數數大約有9至10張檯，但生意真係唔錯，keep住有人，而外賣更加做不停手。首先叫咗個“芋泥肉鬆蛋餅”，再來個“紅燒牛肉湯麵”同埋“酥炸雞扒魯肉飯”，加少少錢就有埋飲品“可樂”和台灣特色的“珍珠奶茶”。“芋泥”一直係我鍾意的食物，如果鍾意食嘅好多都係我同鄉，咁你知唔知係邊度鄉下呢？估吓，但估中冇獎😜新鮮清香芋泥非常吸引，再加埋啲肉鬆，多一重味道，連埋蛋餅，係個極好味的台灣小食；牛肉麵作為主食，有4大件牛肉，好鬆化，麵係刀削麵，好薄的刀削麵，但又好掛汁，本身湯底係清清哋只有牛肉的純味道，非常喜歡，食到後邊連啲湯都差唔多飲曬；“雞扒魯肉飯”的雞扒大大件，係切開嘅，酥香美味，地道魯肉飯連埋珍珠奶茶，感覺去咗一轉台灣。

呢間係元朗一直人氣都好高！之前都食過一兩次！今次終於忍唔住要打返個食評😁佢地既芋泥做得好出色！勁滑又唔會太死甜！好好食！蛋餅都好好食！同行朋友都話同係台灣食到既真係完全一樣味道👍🏻🍴酥炸雞扒魯肉飯雞扒炸得好酥脆！仲有半隻糖心蛋！正！佢個飯撈埋啲魯肉食好開胃😃🍴芝士肉鬆蛋餅蛋餅好厚！芝士半熔好正🤤佢做到有蛋香加上外樣酥脆！非常唔錯😛🍴珍珠奶茶 & 古早冬瓜茶一般係香港食到既台灣野食都係偏甜，但佢地既正常甜度都唔會太甜，好岩香港人口味！正！無咁大負擔！🍴仙草芋圓1號，手工芋泥頭先講左啦！佢地既芋泥真係好好食！又綿又香！加左落糖水度食好正！佢地啲芋圓又係好香又煙煙韌韌！好好咬！好食👍🏻

紅燒牛肉刀削麵牛肉煮得十分入味，肉質軟嫩，湯汁濃郁，帶有淡淡的五香味。刀削麵的口感彈牙，搭配上濃郁的湯底。麵條吸附了湯汁的香氣。鹽酥一口雞刀削麵鹽酥一口雞的脆皮與刀削麵的柔韌形成了鮮明的對比。雞肉外酥內嫩。搭配刀削麵，既有嚼勁又不失風味。芝士蛋捲外層金黃酥脆，內裡則是濃郁的芝士填充，口感滑順。每一口都是芝士的香氣與蛋香交融。仙草芋圓+芋泥球仙草、芋圓和芋泥球搭配得相當完美。仙草的清香與芋圓的Q彈形成了絕妙的口感，而芋泥球則是甜而不膩，讓人感受到夏天的清涼。無論是主菜還是甜品，都展現出廚師的用心。

🌿自己走咗入去元朗嘅「羅東肉焿番」，冇花巧裝潢，但聞到紅燒香氣嗰刻，已經覺得入對地方。🍜 紅燒牛肉湯配米線 $60湯底清澈微甜，牛味香得乾淨，米線軟中帶韌，吸晒湯汁，一啖落肚，疲倦即刻被溫暖沖淡🥹🥬 牛菜（細） $15翠綠爽脆，冇苦冇渣，襯返牛肉熱湯好有層次🥙 芋士芋泥蛋餅 $45蛋香輕脆包住綿密芋泥，鹹甜平衡，食完有種淡淡幸福感🥰🧊 飲品：•珍珠奶茶（冷） $8：茶底清爽，珍珠煙韌唔死甜•冷泡無糖高山茶 $20：透心涼帶甘味，解膩最適合🍧 迷你仙草芋圓 $20芋圓煙煙韌韌，配仙草啫喱，份量唔多唔少，剛剛好收尾。🥤 可樂 $10（爽快氣泡，搭蛋餅一流）

星期六帶芋泥迷朋友呢間食晏上次食過覺得佢會鍾意我地叫左兩個全日套餐乾伴麵配花枝丸胡椒湯$69乾伴麵係刀削麵嚟，都幾多下面頭有肉燥，油豆腐撈勻食好夠味花枝丸幾彈牙，胡椒湯亦好香濃胡椒豬肚雞腳米線餐配輕量鹽酥一口雞$76豬肚爽口，雞腳一嗦脫骨，湯底好香胡椒味鹽酥雞外脆內軟，好juicy 餐飲：古早冬瓜茶 ~ 冰凍甜度剛好無糖烏龍茶 ～ 有氣既無糖烏龍茶，特別透心涼肉鬆芋泥芝士西多 $50賣相十分吸引，海量肉鬆切開係滿滿既芋泥，拉絲既芝士，芋泥十分綿密，香甜真材實料甜品：仙草芋圓1號 $36加$15要手工芋泥咁熱既天真心要食番個仙草冰～手工芋泥絕對要encore，朋友話太好食希望下次嚟可以再食到芋泥奶酪紫米糕，今次店員話師傅無整，本身想打包兩件番家慢慢嘆，唯有等下次

好鍾意食台灣菜，所以都會周圍搜尋有質素的台灣菜舖頭，今次比我搵到間位於元朗的，決定同老公去食個晚餐，然後可以去附近的形點行下街。 7點鐘食飯時間，好多人幫襯，除了店內滿座，店外都排滿等位的客人，好彩我們都尚算早一步到達，所以等了一陣就可以入去食。🍜皇牌胡椒雞湯米線 – 雞腳和豬肚十分入味。湯底有濃濃胡椒味，但又不會過份刺激，標明係不添加味精，最後真係成碗飲哂，味道很不錯。套餐可以選擇配炸雞扒，又或者鹽酥雞，連埋特飲珍珠奶茶都只係$84。🌮芋泥肉鬆蛋餅 – 蛋餅係必食的台灣名物。第一次試呢款芋泥配肉鬆，初時都諗會唔會唔太夾呢？但原來芋泥軟綿綿，連同爽口的肉鬆，再加上薄脆的蛋餅，好好食，都頗為喜出望外。😋酥炸杏鮑菇 – 即炸杏鮑菇，炸衣內係爆汁菇，非常惹味。但真係要小心食，否則會燙親個嘴。

嚟元朗搵朋友食晏，心血來潮想食台灣菜，去左友人推介嘅人氣小店「羅東肉焿番」。餐廳主打台式美食，有飯麵、湯、米線、小食、蛋餅、芋泥吐司、甜品及飲品等供應。點左客鹽酥炸大雞扒魯肉飯，雞扒超大塊，外皮炸到薄身酥脆，入口肉嫩又有肉汁。魯肉肥瘦剛好，伴上溏心蛋，甘香不膩。跟餐點左杯珍珠奶茶，甜度啱啱好，茶底香濃醇厚，珍珠軟糯彈牙。另外仲嗌左肉鬆芋泥鐵板吐司 同 芋泥肉鬆蛋餅，三文治烘得頗香脆，入面夾滿綿密芋泥同酥香肉鬆，入口鹹鹹甜甜，好滋味！ 蛋餅餅皮煎得好香口，內裡包住厚厚芋泥和肉鬆，配上醬汁，層次豐富，令人想一食再食。甜品時間，選了仙草芋圓，內有三色芋圓、蜜紅豆和海藻水晶。芋圓煙韌，水晶清爽，中和左蜜紅豆嘅甜度，夾埋冰涼滑溜嘅仙草一齊食，口感大滿足。

同朋友喺元朗搵食，行到一間台式小店，門面簡單但入到去好有台灣夜市嘅氣氛。見到有自選午餐套餐，即刻同朋友一人嗌一個，仲加咗份鹽酥雞粒share😃我揀咗乾拌米線套餐，配香酥甜不辣、肉鬆蛋餅加芋泥同仙草奶茶。米線上枱熱辣辣，麻油同醬油調味好香，米線彈牙爽口，唔會黐笠。甜不辣炸得金黃，咬落脆卜卜，微甜微鹹好開胃。蛋餅加芋泥同肉鬆，芋泥軟糯香甜，肉鬆鹹香，食落好有層次。仙草奶茶好正宗，仙草凍QQ地，奶茶甜度啱啱好，飲落清爽又解渴👍🏻朋友嗌紅燒牛肉湯米線套餐，配紅燒二寶（牛肚牛肋肉）、胡椒豬肚雞腳同紅豆奶茶。牛肉湯底好濃，帶點中藥香，牛肉炆到入口即化，牛肚同牛肋肉都好入味，湯暖笠笠好舒服。胡椒豬肚雞腳湯好嗆口，胡椒味夠勁但唔過辣，豬肚軟韌，雞腳啃起來好滿足。紅豆奶茶紅豆煮得軟綿，甜度適中，飲完好正🙌🏻我哋share嘅鹽酥雞粒炸得香脆，九層塔同胡椒鹽調味，食到停唔下來，份量都夠兩個人分。整體嚟講，食物好有台味，價錢一個月套餐100蚊唔使，喺元朗真係抵食！😆

🌟係Yoho 行去唔洗十分鐘既台式小店🌟羅東2人套餐只需要$211， 包左主食2款，蔬菜，小吃同埋蛋餅🌟仲要送埋台式飲品，古早冬瓜茶，珍珠奶茶都可以揀，CP 值超高🌟今次揀咗大滷肉飯，同埋台灣牛肉湯麵滷肉飯肉汁香濃，用咗台式珍珠米有口感🌟牛肉湯麵，湯底濃郁，牛肉燉煮到好腍，最鍾意係用咗刀削麵🌟小食揀咗鹽酥天使大雞排，炸到香脆，但係都保留肉汁，好似喺台北夜市食嘅感覺🌟蛋餅加咗$10，揀咗肉鬆拼芋泥，店家一啲都唔孤寒，芋泥俾得好厚，配埋咸香嘅肉鬆，簡直係絕配👍🏻🌟支持小店，仲要還原傳統台灣味道，CP值高，大推