龍門一番 上海·紫砂燉湯 (Closed)

我今晚系屯門收工，去左屯門時代廣場試一間新餐廳龍門一番，見呢間咁多人食當然要去試吓啦！一坐低店員遞上四款茶葉俾我地選擇，我地選了鐵觀音和龍珠茉莉，龍珠茉莉幾清香又幾香。魔鬼天使小籠包，魔鬼天使小龍包是墨汁皮，黑蒜肉，豬肉和海膽，又有濃厚海膽味，天使小龍包有帶子，豬肉，魚子醬，里面真是有一粒裝細粒的帶子，兩款小龍包真是好多肉汁又鮮甜。上海粗炒有椰菜和豬肉絲，麵條煙韌彈牙，又炒到好夠味道夠火喉好好味。土匪牛肉牛肉炒到好嫩滑又入味，脆肉瓜又爽口美味可口。杭州煮三鮮，有蝦仁大大隻又爽口彈牙，雞肉又不會鞋，豬皮又幾入味，又有臘肉配埋一起又幾好味。