好湯好麵

Open Now

Now Closed

終於有機會享負盛名嘅大圍貴價湯麵店！ 星期日7點三左右到，食到最最最後一份佛跳牆麵😋😋😋賣相無得輸，超豪華，第一時間夾時舊巨型花膠影相！ 個湯夠哂濃，好似食緊雞煲翅咁！ 舊花膠堅大堅有料，勁正，其他料都正，帶子鮑魚大大粒又鮮味！ 美中不足係雞，應該係雪藏雞脾肉， exactly 係茶樓食棉花雞果啲雞，令成件事有啲失色🥲蠔王豬豬不過不失啦，兩隻蠔幾鮮味，其他嘢就好一般，平價蝦仁，加幾片火鍋豬肉片同豬肉碎😅😅麵係okay嘅，有少少似稻庭烏冬，都襯啲濃湯。小食就建議大家留返啲彈藥算喇，雞絲粉皮用日式芝麻醬，唔係正宗上海鋪果隻味。。。豬手個汁味道幾濃，但就唔算太入味，亦非常硬，唔太適合女仔食。自家煲嘅飲品幾好，足料清甜！ 店員態度好，非常親切友善。