點心盒 (Closed)

Item: Dim Sum Box
Rating: 3
Author: Winnie loo

Dim Sum Box

290

Tsim Sha Tsui

$101-200

Guangdong Dim Sum

Winnie loo

Level3

經過幾次都唔多人，今日walk in 試下喇橫掂自己都中意食點心。2個人叫左4樣野：蘋果流沙包，花之戀（蟹籽春卷），椰皇花膠保養生燉湯，同埋招牌黑豚肉叉燒有機蛋飯。茶就揀咗香片。首先要讚嘅係個蟹籽春卷，春卷入面係有蝦，外脆內軟，都夠味。個流沙包好流沙，一咬係噴出嚟嗰隻，雖然我就唔覺得有蘋果味，不過男朋友覺得有蘋果味，所以見仁見智啦。椰皇花膠燉湯都幾好飲，最後啲椰果肉可以一次過成塊甩出嚟。不過有啲貴，$168未加一係一個椰子既份量。但係招牌黑豚肉叉燒飯真係好一般，其實就係加大版黯然銷魂飯，叉燒完全唔軟熟，硬繃繃，而且每一嚿都有筋咬唔爛嘅，唔明點解可以做到係招牌🤔除此之外，茶壺入面係3塊普通茶包，顏色就夠既但就完全冇香片味。BTW餐廳驟眼睇好似好乾淨咁，但係一用紙巾抹下啲餐具，無論筷子定係茶杯，都抹到啲啡色嘅嘢出嚟，個筷子好似甩色咁，但茶杯都抹到啡色就感覺好似擺咗好耐好多灰塵。6:00左右食咗大概一個鐘都係得我哋一台客，可能因為我地早食飯～亦都可能因為得我哋一台客，上菜同埋買單都好快手😂

Read full review

經過幾次都唔多人，今日walk in 試下喇橫掂自己都中意食點心。2個人叫左4樣野：蘋果流沙包，花之戀（蟹籽春卷），椰皇花膠保養生燉湯，同埋招牌黑豚肉叉燒有機蛋飯。茶就揀咗香片。
首先要讚嘅係個蟹籽春卷，春卷入面係有蝦，外脆內軟，都夠味。個流沙包好流沙，一咬係噴出嚟嗰隻，雖然我就唔覺得有蘋果味，不過男朋友覺得有蘋果味，所以見仁見智啦。椰皇花膠燉湯都幾好飲，最後啲椰果肉可以一次過成塊甩出嚟。不過有啲貴，$168未加一係一個椰子既份量。
但係招牌黑豚肉叉燒飯真係好一般，其實就係加大版黯然銷魂飯，叉燒完全唔軟熟，硬繃繃，而且每一嚿都有筋咬唔爛嘅，唔明點解可以做到係招牌🤔除此之外，茶壺入面係3塊普通茶包，顏色就夠既但就完全冇香片味。
BTW餐廳驟眼睇好似好乾淨咁，但係一用紙巾抹下啲餐具，無論筷子定係茶杯，都抹到啲啡色嘅嘢出嚟，個筷子好似甩色咁，但茶杯都抹到啡色就感覺好似擺咗好耐好多灰塵。
6:00左右食咗大概一個鐘都係得我哋一台客，可能因為我地早食飯～亦都可能因為得我哋一台客，上菜同埋買單都好快手😂