Video
Read full review
2022-09-28
132 views
位置比較隱蔽，係譚仔三哥樓上，入左去商場再搭扶手電梯上去。餐廳行casual dining路線，食材高級，價錢比fine dining親民。每道菜即時煮，雖然坐係廚師檯面前，但上菜有另一個人係後面上。清楚講解每一道菜特別之處，點整有咩材料，服務好好👍🏻免費送一樽水，揀左有氣水，另外仲有免費薑片做餐前小食。dinner set $798/person一共有三道前菜、兩個主菜、一個甜品同杯飲品。1）uni sashimi toast第一道前菜係海膽多士。最底有塊紫蘇葉墊住、海膽多士中間夾雜左焦糖洋蔥，面有啲花點綴，麵包鬆軟，海膽洋蔥都甜甜地，第一道菜已經好滿意。第二道前菜可以揀蟹肉或者生牛肉他他，同朋友分別點左兩款，可以試齊。2）matsuba crab dashi jelly 有魚子醬、蟹肉、蟹膏，啫喱用左昆布湯整，都幾特別。2）wagyu steak tartare出面生牛肉他他通常絞碎，尼間係切粒，保留原本口感，另外加左鵪鶉蛋酸瓜增加黏性同豐富味道，芥末係鮮磨，唔攻鼻，加埋一齊會更加好食。3）ikura pudding尼道菜係餐廳signature，Yorkshire pudding
餐廳行casual dining路線，食材高級，價錢比fine dining親民。每道菜即時煮，雖然坐係廚師檯面前，但上菜有另一個人係後面上。清楚講解每一道菜特別之處，點整有咩材料，服務好好👍🏻
免費送一樽水，揀左有氣水，另外仲有免費薑片做餐前小食。
dinner set $798/person
一共有三道前菜、兩個主菜、一個甜品同杯飲品。
1）uni sashimi toast
第一道前菜係海膽多士。最底有塊紫蘇葉墊住、海膽多士中間夾雜左焦糖洋蔥，面有啲花點綴，麵包鬆軟，海膽洋蔥都甜甜地，第一道菜已經好滿意。
第二道前菜可以揀蟹肉或者生牛肉他他，同朋友分別點左兩款，可以試齊。
2）matsuba crab dashi jelly
有魚子醬、蟹肉、蟹膏，啫喱用左昆布湯整，都幾特別。
2）wagyu steak tartare
出面生牛肉他他通常絞碎，尼間係切粒，保留原本口感，另外加左鵪鶉蛋酸瓜增加黏性同豐富味道，芥末係鮮磨，唔攻鼻，加埋一齊會更加好食。
3）ikura pudding
尼道菜係餐廳signature，Yorkshire pudding係英國菜，本身係一道鹹菜式，通常配搭牛肉。尼度改良左變成甜點，面係用清酒醃過嘅三文魚籽，麵包包住明太子mousse，麵包牛油味香濃。建議一啖食曬，不過size都唔細，有啲難度😂
4）charcoal grill
一上檯超香炙燒味😍，本身以為A5和牛會入口即溶，好肥膩，尼度揀左patpat上面位置嘅肉，牛肉好軟，有咬口得黎又有啲油脂，唔會太過肥膩。蔬菜係日本直送，加埋燒汁更加好食。
2 views
0 likes
0 comments
5）sake claypot rice
新鮮熱辣辣呈上，一開蓋仲噴煙，用左日本米，口感煙韌彈牙，配料有好健康嘅白舞茸同三文魚，三文魚非全熟，要趁熱撈飯整熟。
6）hojichamisu
甜品係煎茶味tiramisu，用茶取代咖啡泡中間海綿蛋糕，口感creamy，忌廉偏實，茶味甜品甜度適中。
7）yuzu plum wine
甜品連埋杯梅酒就一齊上，梅酒味道清甜。
Post
