茶咖里

Open Now

Now Closed

餐廳位於爹核里，前身都係一間cafe，正喺街市對面一條橫巷入。小店分為室內外位置，室外係開幾張枱仔坐，都唔會太黑；裡面係冰室格局，兩張卡位，一邊高枱櫈。餐牌有西式嘅全日早餐、意粉、甜品，亦有一般茶餐廳供應嘅炒滑蛋飯、雜扒飯、小食。食物選擇唔多，富本土味，有啲新舊融合感覺。飲品方面有本地手工啤、咖啡或茶。整體消費唔高，午市、下午茶餐牌幾抵食添。鮮蝦仁炒滑蛋飯 $68以闊口嘅公雞碗盛飯，雞蛋、蝦仁分兩邊擺，淋上甜豉油，賣相幾吸引。蝦仁份量不少，而且真係幾爽。炒蛋就唔算好滑溜嗰種，但亦都唔老唔鞋，幾嫩有蛋香。配埋甜豉油，意猶未盡可惜我地當日食左野先黎，只能喺再訪時試下其他款式。炸厚切午餐肉粒 $32小食可配自家製沙律醬：黑松露、特濃芝士、蜜糖芥茉、麻辣我地配左蜜糖芥茉醬，午餐肉厚切粒狀，炸到香口，午餐肉係咩味大家都知，唔會有咩花神，簡單好食。你問我就再炸燶啲、乾啲更加正炸雞翼 $38一份六隻，撲粉酥炸，雞翼幾脆，唔厚粉，新鮮熱辣。配埋個麻辣沙律醬，好少好少辣度，但又幾得意，我幾鐘意呢款醬。凍檸茶 +$4餐茶都唔錯，茶、檸檸檬味都有。餐牌：