雞駅花膠雞米線專門店

Open Now

Now Closed

之前聽朋友講觀塘之前開咗間養生湯米線平時好多人食，咁岩行開駱駝漆大廈難得見到有空位就即刻入去試下，點知一食完出黎就已經見到門口已經有一條長龍，建議大家如果想夜晚食，最好六點半前去食，咁就唔洗排隊。🍜 姬松茸竹笙花膠雞米線 呢碗米線嘅份量都幾多，咁岩個幾件雞件都係雞脾肉，肉質非常嫩滑，同時又食到有雞味，而湯底比較清淡但鮮甜，可以飲到姬松茸嘅味道，值得一讚嘅係呢到嘅花膠好厚身。🍜 藥膳黃酒花膠雞 配飯 + 凍檸茶朋友咁岩想食湯飯，就將米線轉配飯；呢款嘅湯底味道比較重藥材味，一上檯個陣就已經聞到好大陣嘅酒味，呢個湯底好岩冬天食，一飲完幾啖湯個身即刻暖哂。🍗 明太子釀雞翼呢樣菜式好考心思，雞翼要先拆骨，跟住入面再釀明太子，最後炸香雞翼，外皮炸到脆卜卜，入面啖啖肉，仲要好juicy，同時食到明太子鹹鮮嘅味道。