小火焰韓式咖啡廳 (觀點中心) (Closed)

🔥小火焰韓式咖啡店地址：觀塘觀塘道410號觀點中心1樓1號舖🥰成日搭巴士經過見到嘅時候都想試吓呢間，今日咁啱就係附近，而且朋友都想食韓式食物，所以我哋兩個毫不猶豫咁樣就入咗去試吓啦🔥喺呢度售賣嘅韓式食品種類都幾多，又有炸雞、煎餅、石鍋飯、炒飯、冷麵之類，都幾齊全㗎。🇰🇷原味韓式炸雞（半份）$88啲炸雞件件都好大件，同一般快餐連鎖店嘅大細差唔多，但係呢度嘅炸雞當然係唔同啦，例如係加咗啲香草之後先再炸，而且肉質亂畫，食落去唔會感覺太油。🧀芝士海鮮菜餅 $78之前睇新西遊記嘅時候見到啲人食得好滋味咁嘅樣，都一直想試吓㗎啦，味道果然係不俗，餅底有少少煙韌嘅口感，配埋上面一啲章魚粒同芝士，味道更佳。🧀拉絲芝士BB豬肋骨配泡菜炒飯 $98芝士鋪滿成半個飯🤩🤩，夾起上嚟嘅時候仲有長長嘅拉絲芝士底下，好正呀，而底下就係豬肋骨啦，味道正正常常，不過不失咁，整體來講都算幾好。