Mini Friday (The Wave)

Open Now

Now Closed

觀塘開始越來越多好嘢食，嗰日朋友就介紹咗一間新開嘅餐廳，所以決定去試吓。觀塘地鐵站行咗5分鐘就去到好方便。入去坐低之後見到餐廳裝修好有特色，而且環境舒適寬敞，樓底好高坐得好舒服。餐牌上嘅食物相都好靚好特別，搞到我都唔知點揀。花多眼亂嘅話仲有套餐，套餐食物都好豐富架。麵包熱辣辣好軟熟，仲香噴噴。墨汁軟殼蟹意粉，香濃嘅墨魚汁均勻包住每條意粉，意粉爽口彈牙，軟殼蟹炸得好脆，而且足足有成隻軟殻蟹。雜菌薄餅，大量雜菌加上濃郁芝士，而且薄餅皮好薄好脆，口感非常清新。燒羊架分量十足，燒嘅時間剛剛好，六成熟肉嫩多汁，入口非常嫩滑，而且配菜都非常好味。