光榮米線 (Closed)

相信無人唔識光榮冰室，但光榮開左米線店又知唔知呢？駱駝漆入面呢間光榮有米線食㗎，聽講個湯底仲好正添，今日出開觀塘特別過黎試試😋位置在駱駝漆三座，經常有條長長人龍排隊等𨋢個位就係，唔難搵😌店內光猛冷氣十足，啲位都幾濶下添。🏅金牌米線朋友點了金牌米線，佢話啲餸啱口味，就唔散叫了。金牌其實係一個四餸麵，有辣腩肉、雞翼、雞絲同火腿，哈哈，全部係肉朋友最愛😁腩肉半肥瘦，炆得入味，辣辣地真係好惹味。雞翼同樣入晒味好正，有驚喜係火腿比足成大片，唔係切到細細碎碎。餸同米線都好多，大大碗勁抵食喎。🥢芫茜雞絲米線自己就點左芫茜同雞絲，兩款餸都比左勁多，多芫茜正呀😍口味揀左小辣，個人覺得呢個辣度啱啱好，辣辣地唔嗆喉，食到湯都飲哂㗎😋🧀芝腿西多士想食下甜品（？）就加左份下午茶嘅西多士，仲係芝腿餡，多牛油加上已瀜芝士真係太邪惡啦😝西多吸飽牛油同糖漿真心正，唔健康？食埋呢餐先算啦，呵呵🤭🍋凍檸茶飲品要左凍檸茶走甜，大大杯，茶濃檸香無投訴👍好味好飽好滿足😁光榮米線好食過某連鎖店多多聲。