相馬日式火鍋 觀塘 (Closed)

今日一家五口食晚餐，個個都海鮮控，就去左觀塘相馬火鍋食任食大閘蟹海鮮火鍋放題套餐，細佬勁大食，任食食到飽都得。每位408 +1我哋一家都係辣王，所以叫左個中華辣湯底，一嚟到就拎大閘蟹🦀️🦀️先。呢個任食大閘蟹海鮮火鍋放題套餐除了大閘蟹係任食，其他野都係任食任飲架，任食肉，任食海鮮，任食炸物，任食串燒，任食點心，任食雪糕，任飲飲品……總之你見到的都可以任食任飲。將D大閘蟹放入中華辣湯度，蟹肉吸左D湯汁，勁正，拆開蟹蓋，見到D蟹膏多到滿，鮮味十足。個湯煮過蟹，湯汁吸收曬蟹的精華，再用黎煮其他野更惹味。除了蟹之外，佢仲有好多海鮮，有蜆、日本帶子、螺、琵琶蝦、藍尾蝦、紅虎蝦、大頭蝦、青口、鮑魚、扇貝、帆立貝、廣東蠔……淨食海鮮都有賺。海鮮之外肉都唔少得的，牛肉、豬肉、雞肉、丸……真係食到捧住個肚出去呀😂😂😂