Video
Read full review
2023-12-12
37 views
🌊富妹鍾情日本🇯🇵，又鍾意食日本刺身，熊妹上次行過觀塘海濱長廊，發現咗呢一間食日本刺身料理的《磯の水產》，唔去日本住，就喺香港食住日本嘢先啦。📌環顧四周都係工廠大廈，就係有呢一間日本水產店，可以壟斷成個觀塘海濱區域。📌入到店鋪真係好日系風情🎏，首先門口擺設咗個印有店舖名稱的太鼓🥁，天花板掛咗幾個燈籠🏮同埋水產的掛簾，牆身又貼滿日本風情的海報🖼，好似入左激安殿堂🎈。📌因為店鋪靠着海旁旁邊，無任何高樓大廈嘅遮擋，猛烈嘅陽光🌞直接透過玻璃打入店舖入邊，令到成間店舖好光猛☀️，充滿活力。📌下午兩點幾嚟到仲有午市套餐，套餐其實即係日式定食🍱，有燒雞、燒魚、鰻魚、刺身等等，定食套餐就包前菜螺肉、湯同埋茶蒸碗，價錢由$108至$258，合理價錢。📌另外，仲有沙律、小食同刺身選擇。📌一坐低，店員就好殷勤咁遞上茶杯茶壺，呢個就係日本文化的禮儀。🕴🏻刺身拼盤六點二片， $388先食個冷盤刺身先啦。刺身有六款，包括大拖羅、赤身、飯立貝、油甘魚、鱆紅魚同埋三文魚，每款都有兩件，啱晒二人份量。每塊都好厚切，好有咬口，淡淡的海魚味點日本豉油同Wasabi的衝擊再帶點魚油的香味，冰涼的口感一流。其中，熊妹認為鱆紅
🌊富妹鍾情日本🇯🇵，又鍾意食日本刺身，熊妹上次行過觀塘海濱長廊，發現咗呢一間食日本刺身料理的《磯の水產》，唔去日本住，就喺香港食住日本嘢先啦。
📌環顧四周都係工廠大廈，就係有呢一間日本水產店，可以壟斷成個觀塘海濱區域。
📌入到店鋪真係好日系風情🎏，首先門口擺設咗個印有店舖名稱的太鼓🥁，天花板掛咗幾個燈籠🏮同埋水產的掛簾，牆身又貼滿日本風情的海報🖼，好似入左激安殿堂🎈。
📌因為店鋪靠着海旁旁邊，無任何高樓大廈嘅遮擋，猛烈嘅陽光🌞直接透過玻璃打入店舖入邊，令到成間店舖好光猛☀️，充滿活力。
📌下午兩點幾嚟到仲有午市套餐，套餐其實即係日式定食🍱，有燒雞、燒魚、鰻魚、刺身等等，定食套餐就包前菜螺肉、湯同埋茶蒸碗，價錢由$108至$258，合理價錢。
📌另外，仲有沙律、小食同刺身選擇。
📌一坐低，店員就好殷勤咁遞上茶杯茶壺，呢個就係日本文化的禮儀。🕴🏻
刺身拼盤六點二片
$388
0 views
0 likes
0 comments
先食個冷盤刺身先啦。刺身有六款，包括大拖羅、赤身、飯立貝、油甘魚、鱆紅魚同埋三文魚，每款都有兩件，啱晒二人份量。
每塊都好厚切，好有咬口，淡淡的海魚味點日本豉油同Wasabi的衝擊再帶點魚油的香味，冰涼的口感一流。
鱆紅魚
0 views
0 likes
0 comments
汁燒鯇魚腩定食
$118
0 views
0 likes
0 comments
鯇魚腩🐠好大一件，魚腩搽上燒魚汁，燒到魚皮超乾身超脆口，魚肉燒到剛剛好，唔鞋口，嫩滑又多汁，連一啖鹹鹹地嘅魚皮一齊食，淡淡魚味出哂黎，再點一點跟上的燒魚豉油，入邊加咗啲蒜蓉碎，蒜香味同魚肉好夾。
魚腩位仲有啲油脂位，咬落去咇咗啲魚油出嚟，好香魚油香味。
汁燒燒鳥定食
$108
1 views
0 likes
0 comments
燒鳥即係燒雞， 一塊燒雞扒切成五六嚿，面頭雞皮搽上燒雞汁去燒，雞皮燒到卜卜脆，雞扒肉好嫩口，燒汁甜甜酸酸就不嬲都好襯雞扒。另外仲有兩隻燒雞翼，係灑上調味粉乾燒而唔係汁燒，雞肉表皮燒得好乾身，食落去唔會好油，香口嘢不嬲都好惹味。
茶蒸碗
0 views
0 likes
0 comments
日式定食包含的配菜之一，茶蒸碗，當作飯前小食。唔好睇係簡單的一碗蒸蛋，茶蒸碗要做得好味都唔容易。
味道又幾唔錯，蒸蛋汁🥚打得好細膩，蒸出來好滑，製作過程用上嘅鰹魚湯衝蛋液去蒸，味道唔錯，茶蒸碗蒸出嚟都已經係鹹鹹地，再吊出蛋味，入面有蟹柳粒、日本魚蛋🍥、菇菇🍄等等材料，簡單的食材，用心製作已經可以食出美味。
麵豉湯
0 views
0 likes
0 comments
日本湯品多數都係麵豉湯🍵，基本的海帶片同埋豆腐粒都有，味道唔算好鹹喎，麵豉湯本身係鹹的，但有時怕有啲鹹到飲唔落去，餐前飲碗暖暖的湯真係好暖胃。
📌高檔的刺身，民間的便當，日本的料理就係點整都好味。
刺身拼盤六點二片
$388
1 views
0 likes
0 comments
Post
