forte (Closed)

酒店大堂簡約舒服，入內電梯2字就到餐廳了門外有酒精搓手液而餐廳環境簡潔優雅宜家去扒房普通食塊扒都要$3-400蚊，仲要質素參差，今次介紹呢到性價比極高，$308 晚市套餐都相當豐富，一個價錢就好似食咗個小型自助餐咁，另外仲有個$358任食5款牛扒主菜及薯條晚市套餐㗎～餐牌清晰講解，每款套餐有咩食喔，而今次選了$308 晚市套餐一嚟就有刺身合盛，入面有甜蝦、魷魚、三文魚、吞拿魚及希靈魚，每款都好新鮮美味而冰鎮海鮮非常豐富，有龍蝦仔、鮑魚、凍蝦、翡翠螺、長腳蟹、青口及蜆而鮑魚及蝦爽口彈牙，其他都不錯有鮮甜海鮮味，凍食再點少少配埋嘅4色汁醬特別美味接住就開胃沙律，係南瓜及沙律菜配橄欖醋嚟之後可選中式或西式餐湯再配麵包，麵包有三款，當日西湯係野菌湯好香濃，中湯就滋潤鮮甜而主菜選擇相當豐富，基本嘅牛肉眼扒、頂級羊扒、豚肩扒、魚柳龍蝦、比利時青口都有，夠4位仲可叫斧頭牛扒㗎，如果想食好啲仲可加$100或$200升級「澳洲M4和牛肉眼扒」、「宮崎A4和牛西冷扒」、「純種韓牛1++西冷扒」我當日就升級咗宮崎 A4和牛，切開非常粉嫩油脂豐富，入口即溶啖啖牛脂香氣朋友選了1++韓牛，入口一樣嫩腍，但牛味比