一起食堂 (威利廣場)

Open Now

Now Closed

觀塘區地道台灣 x 日本菜，餐廳罕有地集結左最受香港人歡迎既兩個地方美食，揀唔到食咩菜既時候，絕對可以一嘗一起食堂🥢 餐牌中，台灣菜主要以台式牛肉麵、拌麵，米粉等為主，而日本菜方面，有咖哩飯、茶漬飯，鰻魚飯等，而小食類既種類主要都係台灣地道美食，例如關東煮、鹽酥雞、台灣香腸等，十幾款，選擇繁多！味道黎講，牛肉麵牛肉炆得幾稔，牛丸彈牙多汁，而另一款肉燥米粉肉燥屬於半肥瘦，保持左肉質既油脂香，令米粉更入味，而小食炸雞皮餃子亦相當特別，香口多汁，有別於一般餃子🥟最後飲品方面，本來以為味道可以做到台式正宗手搖飲品級數，但味道強差人意，未如理想。總結食物整體水平中規中矩，係一間性價比不錯既小店🥡