Flames (鴻圖道)

Open Now

Now Closed

Flames在觀塘就有兩間分店，之前都試過海濱滙的flames。今次就試吓鴻圖道呢一間，平日晚上都好多人，很好氣氛，餐廳坐位都唔少，有室內及戶外，感覺幾舒服。朋友病完成個月都冇乜精神，胃口亦都唔係太好，所以都唔係食咗好多嘢。叫咗個蘑菇湯佢飲。佢話蘑菇味香濃，無草青味，入口creamy。Salad叫咗香煎北海道帶子蔬菜沙律煎過的帶子，仍然保持鮮嫩，入口軟淋，新鮮沙律菜拌上酸酸的沙律醋，十分醒胃。諗住叫個小食，預咗主要都係我自己食，就叫咗個FFC 香辣炸雞，點知上菜時嚇一嚇，份量一點也不少，炸雞炸得好酥脆，熱辣辣，帶點辣味，刺激味蕾。主菜就清清地叫咗個香煎照燒汁橙鯛魚柳配烤蔬菜、芝麻油烤粟米。魚肉煎得好香，也不會乾柴，伴上烤蔬菜，份量適中，味道唔錯。總括嚟講價錢唔算太貴，始終餐廳都係走中上路線，配返佢嘅環境同埋食物，幾適合同朋友聚會。