保家山 (Closed)

又去觀塘工廈搵食，搵到黎呢間手工和牛漢堡🍔店～保家山 Burger Saan～，呢度坐得舒服，好啱附近打工仔或者行街行到餓既我食。點解餐廳叫保家山，原來理念係由長洲搶包山 ，平安包轉成漢堡包，希望大家食左呢度既漢堡平平安安。細個好鐘意食漢堡包，但嗰時黎黎去去都係得嗰幾間，而家食 到咁正嘅漢堡包真開心。創辦人希望創造香港獨有的漢堡包味道，加入香港文化元素而創立burger山。呢度有多款手工漢堡，入面夾住既材料好豐富，又新鮮，有和牛扒🐂、蕃茄🍅、紫洋葱🧅同生菜🥬。呢度漢堡扒用上高質的澳洲和牛，廚師將厚厚既和牛煎到剛剛好，粉嫩色，牛味極香濃，超JUICY，一咬爆汁。我地叫左“葵” 同 "山"手工和牛漢堡，即分別配上港式同山葵醬汁。港式汁好特色，用左好多款港式醬汁調配出黎，而我就好鐘意山葵醬汁，少少辛辣味，但唔會搶喉，可以中和牛既油膩感🤤。呢度薯條超脆口，試左紫菜同麻辣口味，呢款麻辣口味真係第一次食，麻麻香香，好惹味。無糖蜜桃🍑茶，好香蜜桃味，無糖又徤康👍。