lunch menu：
呢間餐廳主要有金邊粉同burger。食晏時間都幾多人，座無虛席，直接walk-in要慢慢等位。所以好多人都會打個電話book定位先再上去。
-
今次叫咗
7號🍔煙燻手撕豬肉漢堡$86 ▪️你睇，唔小心跌咗出嚟嘅就係手撕豬肉🐷，有少少煙燻味，加埋酸酸甜甜嘅醫汁（似燒烤醬）同洋蔥，食落味道都幾豐富，都多肉汁，好味。唔食牛肉嘅朋友可以一試
5號🍔烤大啡菇黑松露芝士醬美國牛肉漢堡$99
▪️以為係三層漢堡扒？No No No，係一隻大啡菇加兩層牛肉，隻菇同肉扒一樣咁厚🤩黑松露芝士醬都幾特別，夠曬惹味，配埋紫紅洋蔥、羽衣甘藍、蕃茄，中和下heavy嘅罪惡感🙈
3號🍔72小時安格斯牛小排漢堡 $108
▪️一上枱就見到大大件牛小排，真係好大個burger，小口女生要諗諗計先可以食得斯文得黎又一次過咬到所有料🤭。牛小排就咁食食到燒烤醬，加埋夾住洋蔥、烤菇、羽衣甘藍同芝士醬，味道更加豐富。原來呢個牛小排係標榜慢煮72小時，唔怪得都幾嫩。
-
🥤lunch menu每個餐都跟飲品（有熱茶/汽水）
-
配菜可以想食薯條可以揀普通粗薯條🍟/蕃薯條🍠🍟
▪️蕃薯條雖然比薯條幼d，但每條都好長，食落甜甜地，同漢堡包嘅醬汁都幾夾
▪️至於薯條更加係快餐必食，以為份量唔太多？其實作為配菜加埋個burger就啱啱好
-
每一個burger都係即叫即做，所以等嘅時間會長d，但肯定新鮮熱辣。💰大大份抵食之餘亦唔收加一服務費，CP值同性價比嚟講，呢間cool cousins都幾高👍🏻
-
之前都有黎食過雞扒金邊粉，面頭有d炸豬皮，雞扒都幾大件。但發現手工burger先至係呢間舖頭嘅主打，同burger比金邊粉就無咁出色。
