Video
Read full review
2020-10-16
330 views
早幾日同朋友傾開去邊度搵食，朋友介紹咗大學站附近呢間新開嘅「幸鮨屋」， 話佢哋嘅壽司拼盤，抵食又新鮮，趁今日 Happy Friday，放半晝同老公兩個去試下。原來間餐廳都唔算細，佔地兩層，裝潢簡約，以木色調為主，予人舒適的感覺。餐牌上面嘅食物選擇都幾多，除了有朋友推介嘅壽司拼盤，另外仲有套餐、定食、刺身、丼飯、石燒牛等供應。我哋揀咗個自選壽司拼盤 ($108) 同極上壽司盛·鮨，兩份餐都附送麵豉湯同沙律，分量十足。拼盤包壽司、迷你丼、刺身或天婦羅。壽司我哋揀咗 A1，全部都係以火炙為主，當中包括有：火炙三文魚、火炙左口魚邊、火炙芝士熟蝦、沙律醬燒蟹棒、蒲燒鰻魚、焦糖三文魚。幾款壽司味道都唔錯，食材新鮮，而且火炙過後，脂香更加突出，入口即溶。個人最鍾意就係火炙芝士熟蝦同蒲燒鰻魚，蝦肉經火炙後，呈半生熟，芝士融入蝦身，咬下鮮爽又帶陣陣芝香。另外鰻魚味道亦不俗，肉質結實，燒汁香甜。迷你丼揀咗 B4：炙燒鮮銀鱈魚、左口魚邊丼 (+$15)，丼飯雖然係迷你版，但其實分量都唔少。銀鱈魚肉質肥美豐腴，入口細嫩滑溜，就算不蘸豉油仍能吃到魚的鮮味。左口魚邊經炙燒後魚油滲出，食落軟滑甘香，魚脂充滿口腔
早幾日同朋友傾開去邊度搵食，朋友介紹咗大學站附近呢間新開嘅「幸鮨屋」， 話佢哋嘅壽司拼盤，抵食又新鮮，趁今日 Happy Friday，放半晝同老公兩個去試下。
原來間餐廳都唔算細，佔地兩層，裝潢簡約，以木色調為主，予人舒適的感覺。
餐牌上面嘅食物選擇都幾多，除了有朋友推介嘅壽司拼盤，另外仲有套餐、定食、刺身、丼飯、石燒牛等供應。
我哋揀咗個自選壽司拼盤 ($108) 同極上壽司盛·鮨，兩份餐都附送麵豉湯同沙律，分量十足。
拼盤包壽司、迷你丼、刺身或天婦羅。壽司我哋揀咗 A1，全部都係以火炙為主，當中包括有：火炙三文魚、火炙左口魚邊、火炙芝士熟蝦、沙律醬燒蟹棒、蒲燒鰻魚、焦糖三文魚。
幾款壽司味道都唔錯，食材新鮮，而且火炙過後，脂香更加突出，入口即溶。個人最鍾意就係火炙芝士熟蝦同蒲燒鰻魚，蝦肉經火炙後，呈半生熟，芝士融入蝦身，咬下鮮爽又帶陣陣芝香。另外鰻魚味道亦不俗，肉質結實，燒汁香甜。
迷你丼揀咗 B4：炙燒鮮銀鱈魚、左口魚邊丼 (+$15)，丼飯雖然係迷你版，但其實分量都唔少。銀鱈魚肉質肥美豐腴，入口細嫩滑溜，就算不蘸豉油仍能吃到魚的鮮味。左口魚邊經炙燒後魚油滲出，食落軟滑甘香，魚脂充滿口腔，極之美味。
刺身同天婦羅二選一，揀咗 C2：蝦天婦羅x2、日本番薯仔天婦羅x2。蝦天婦羅炸漿鬆化，咬下沒有油膩感。番薯仔天婦羅亦甚有水準，油少粉薄，細細粒、甜入心。
至於另外嗰客極上壽司盛·鮨 ($145) 就一共有 12 件壽司，當中包括有：三文魚、帶子、油甘魚、八爪魚、赤蝦、甜蝦、活赤貝、深海池魚、海膽、三文魚籽、蟹肉蟹膏、蔥拖羅蓉，好大堆頭， 陣容鼎盛！
每件魚生都好新鮮，三文魚很滑很油潤，帶子大顆飽滿，肉厚味甜。赤蝦同甜蝦質素亦唔錯，蝦肉晶瑩剔透，口感鮮甜滑溜。赤貝爽口彈牙、而海膽亦 Creamy 細滑，入口充滿海水鹹鮮。壽司飯亦有水準，黏性高，富米香，加上醋的調味理想，能帶出魚的鮮味。
順帶一提，餐廳有幫手賣黃口罩，定價合理，住喺附近嘅街坊不妨幫襯下，好過上網買，又唔使擔心被騙。
Post
