廣發燒鵝大王

Open Now

Now Closed

工作完搵地方午餐，見到呢間廣發燒鵝大王嘅燒味賣相唔錯，入面地方亦乾淨企理，就入去試下！廣發燒鵝馳名，點咗燒鵝叉燒雙併飯($50)，價錢抵食。店員先送上大大碗例湯。最近天氣轉凍，有碗熱湯飲吓好暖胃。例湯都幾真材實料，味道鮮甜又足料，而且無咩味精嘅感覺，有驚喜！燒鵝皮脆肉香，肉質嫩滑，滿嘴油香，咬落仲有少少鵝汁，入口唔乾！蘸上酸梅醬汁，更加解去燒鵝嘅油膩！叉燒燒得微微焦香，肉質軟腍唔鞋口，揀咗半肥瘦，比較鬆化！值得一讚嘅係店員及師傅都超級有禮貌，對每個客人都親切友善，對住客人嘅唔同要求盡量滿足，服務好好，抵佢哋外賣做到無停手！