廣發燒鵝大王

Open Now

Now Closed

在佐敦返工，午膳實在不愁，中、西、平、貴均很多選擇。今天一個人遊走到上海街揾食，見到這間燒味舖，燒味樣子幾吸引，姑且一試。點了肥义燒瀨粉，侍應姐姐首先送上例湯一碗，淡淡的青紅蘿蔔，比渴清水好一點🤣接著端來一碟份量不小肥瘦相間的义燒，賣相不俗，是我接受的"肥而不膩"😋立即吃一件，肉不韌，有咬口，只是稍嫌蜜糖甜味不足夠，瀨粉的湯亦冇乜味道，但午餐時段45元的價錢，亦不能太多挑剔，個人意見是個午餐抵食之選👍

淋叉油雞飯，又大碟又好食😍😍😍😍😍，仲送個湯，咁多嘢都只係$35，呢個價錢今時今日喺香港仲有幾多地方有，仲要喺佐敦，老細又好人又搞笑，冇得頂冇得頂👏🏻👏🏻👏🏻👏🏻

這家餐廳的叉燒飯真的是令人失望透頂。首先，叉燒完全醃製的味道，濕得像是放了好幾天的剩肉，咬下去像肉不像肉。至於飯，更是糟糕透頂，米飯黐埋一舊，但每一口都是濕的，好像是提前煮好放涼了再端上來。又燒完全不可碰像生化合物從冰箱裡隨便拿出來應付了事。叉燒的分量也少得可憐，根本不夠吃。整盤飯沒什麼味道，無論怎麼加醬油都救不了它的平淡無奇。其實唔識整，可以執咗佢。吃到這樣一盤失敗的叉燒飯，真是浪費時間和金錢。不會再來！

午市客人都多，大約全滿。今日想食燒鵝以外的食物，叫了燒肉油雞飯，燒腩仔外皮卜卜脆，層層腩肉，有驚喜!! 反而豉油雞有d硬，下次可以唔使叫。堂食及外賣都有跟湯，湯就有點咸。

一進入就發覺地板超級滑，也沒有小心地滑的牌子。侍應阿姐態度相當差，差在對顧客區別對待。對女顧客置之不理，而對男顧客相當熱情且主動。食物是還算可口的，服務上被區別對待的感覺是極差的！！收銀時亦是優先收男顧客的錢，將先來的女顧客放在後位！！總而言之！女顧客不建議去！！

行過佐敦見到間小店，門口細細干淨企理，燒味相頭唔錯，入去試正啦就。出名係燒鵝，就叫個燒鵝切雞飯試試佢。一黎到唔駛講嘢，賣相擺碟100分，個例水足料足味，燒鵝皮脆肉實，切雞夠滑。整體黎講好滿意，價錢52，好合理。平常都好小寫燒味，除左太子個間垃圾合乜乜啦。用心做同得個所謂老字號係食得出嘅。一定會再去食，這間燒味值值得推介。

下午茶（2:00-5:00）：燒鵝飯（$45）附送例湯燒鵝份量比預期中多，而且切咗隻上鵝脾位，有皮有肉有骨。燒鵝微暖，鵝皮微脆，鵝皮下冇咩肥膏，鵝肉肉質頗嫩，有些少咬口。以$45來說，可以說是抵食。

放假嚟佐敦買衫換季，行完街，順便喺附近食埋飯先返屋企。喺上海街搵到呢間「廣發燒鵝大王」，見櫥窗入面啲燒味好靚仔，今晚就一於喺呢度開餐。餐廳地方不大，走廊窄窄長長，幸好進店時剛過了下午茶時間，店內食客不多，所以都坐得十分鬆動。由於晏晝食左個 Weekend Brunch，唔算太肚餓，所以我哋只係點左一個飯，另外再加左碟例牌燒味同油菜，諗住 Share 嚟食。燒鵝飯 ($50)  率先送上，堂食送例湯及汽水，是日例湯係合掌瓜雞腳豬骨湯，湯身熱辣辣，真材實料，而且火喉十足，飲得出無落味精。燒鵝嘅份量都好足，鵝皮燒得很薄，入口甘香酥脆，鵝肉嫰滑又多汁，吃時還帶有陣陣燒烤香，蘸少許酸梅醬吃，很滋味！碟例牌燒腩仔 ($88)  賣相亦甚佳，廚師將腩仔切至大小均一，表皮金黃酥鬆，咬下脆卜卜，肉質細緻，油香不膩，肥瘦比例亦啱啱好，層層相間，令人食指大動。食完咁多肉，梗係要點番碟油菜 ($18)  平衡下，菜心粗壯肥大，食落新鮮爽甜，咬下絕不嚡口，嫩綠又無渣。

工作完搵地方午餐，見到呢間廣發燒鵝大王嘅燒味賣相唔錯，入面地方亦乾淨企理，就入去試下！廣發燒鵝馳名，點咗燒鵝叉燒雙併飯($50)，價錢抵食。店員先送上大大碗例湯。最近天氣轉凍，有碗熱湯飲吓好暖胃。例湯都幾真材實料，味道鮮甜又足料，而且無咩味精嘅感覺，有驚喜！燒鵝皮脆肉香，肉質嫩滑，滿嘴油香，咬落仲有少少鵝汁，入口唔乾！蘸上酸梅醬汁，更加解去燒鵝嘅油膩！叉燒燒得微微焦香，肉質軟腍唔鞋口，揀咗半肥瘦，比較鬆化！值得一讚嘅係店員及師傅都超級有禮貌，對每個客人都親切友善，對住客人嘅唔同要求盡量滿足，服務好好，抵佢哋外賣做到無停手！

今日陪媽咪去還神，買左小小燒味順便食埋飯呢間廣發睇落幾新淨，上網check 食評發覺原來新開，見佢燒味掛出黎個樣都吾錯今日豪小小，一人食一隻燒鵝脾，每個set 包主食同一碗老火湯，今日係花生粉葛雞腳湯，勁好味，好足料，有驚喜，完全估吾到，燒鵝髀幾好肉，皮燒得好薄好鬆化，無咩肥糕，出乎意料地好食，以街坊價呢個質素絕對超值👍🏻👍🏻👍🏻👍🏻另外加多一碟油菜，菜心好大條好粗，又夠爽脆，好味😋

佐敦上海街廣發燒鵝大王, 稍稍遠離人來人往的彌敦道，但人少D,租平D, 坐又坐得舒服D內裡環境乾淨衛生, 最重要燒鵝雙拼飯價錢平，平時路過食過快飯, 即使過時過節買番屋企加料都可以叉燒燒肉燒鵝燒鴨燒腩仔樣樣都得。-堂食燒鵝雙拼飯，連例湯同汽水，50蚊有交易燒鵝外皮燒到脆卜卜咬落肉嫰鵝油滿滿，一睇就知燒得靚叉燒調味咸甜共重，最重要唔覺鞋。例湯蓮藕湯，正常發揮唔覺味精重。-加多碟菜心大大碟都係18蚊，抵食啦~~

同同事係佐敦見完客，見到間燒味餐廳幾吸引咁，坐低叫左兩個燒味飯食。質素幾掂👍🏼.🍴 叉燒切雞髀飯 $50雙拼飯轉髀$50，送汽水及例湯，例湯勁足料，無乜味精，幾唔錯。叉燒半肥瘦，厚度適中，雞髀啖啖肉無血水，份量好滿意，抵食。.🍴廣發燒鵝髀飯 $90同事叫話想食燒鵝，叫左燒鵝髀😂😂係就係貴左啲，不過性價比極高，燒鵝髀唔會太肥，肉厚又香，以呢個價黎講佢話好鬼正。.🍴燒腩仔例牌 $88飯餐無燒腩仔，但又想食，散叫例牌都唔貴，有成20件，好抵食，重點係五層肉，好靚既五花腩，皮脆卜卜，真心唔錯。.燒味餐廳黎講真係好高質，尤其推薦燒鵝燒腩仔😍😍

係佐敦附近做運動，順便食埋野先返屋企，行過咁啱見到個師傅切緊燒鵝，d燒鵝望落又幾靚，於是就入左去試下🤣食左以下兩樣燒鵝雙拼飯 $50唔知大家對燒鵝有咩要求，而我就覺得最少層皮要薄，薄得黎脆，而且唔乾既😽而入面肉既質地要唔韌頭冇雪味 ，而廣發都做到我既要求順便提下大家轉脾要+＄10😽而另外可以配燒肉/叉燒/油雞，咁小編就揀左叉燒，仲要係全瘦感覺上冇咁邪惡同罪惡感🙈配埋酸甜醬 勁好送飯叉燒一樣冇雪味 做到滑同淋，而個飯底有d 豉油汁，味道甜鹹適中海蜇燻蹄 $50燻蹄大大塊，切得好薄、好方便食海蜇比起其他同類型既 大條好多，麻油味較淡，冇咁重油 而且辣味唔重 怕辣既朋友可以試下

佐敦抵食滋味燒鵝/燒味店，店員及師傅各人都親切友善，食物水準高，價錢親民。燒鵝及各種燒味均屬意料之外的美味！一眾街坊食客的飯堂！廣發燒鵝(例牌) $110 ~必食皮脆肉嫩又多汁非常新鮮，鵝肉不會過肥，分量十足鵝肉大大件又大碟，我們六點來離座時燒鵝已經售罄，可見相當受歡迎，絕對值得一試！下午茶(堂食送來湯及汽水)花生眉豆蓮藕豬骨湯 真材實料老火湯，隔離的食客哥哥仔更詢問店員可否不要氣想要多一湯。燒肉叉燒米粉 $40 切雞燒鵝米粉$50 燒肉外皮香脆，肉質鹹香惹味！ 叉燒蜜汁香甜，肥瘦適中！切雞嫩滑，烹煮時間剛好！米粉分量十足，絕對不單是下午茶的份量！真心抵食！菜心 $18 菜心新鮮翠綠，無渣又大條！

位於佐敦道上海街50號地鋪， 廣發燒鵝大王， 在繁華的鬧市大街的地舖， 要一嚐新鮮的燒臘， 當然要來到這間， 新鮮抵食快捷的中式餐廳。一坐落， 即递上熱辣辣的大碗例湯， 例湯料有蓮藕， 豬骨， 雞腳， 我聞到湯有章魚味，好好飲。我哋兩個人， 點咗兩個餐：（1） 燒鵝髀 油雞 雙拼飯 $50 燒鵝髀皮好脆， 唔會油笠笠， 油雞好夠味。（2） 燒肉 叉燒 雙拼飯 $40 燒肉皮真係好脆， 叉燒又諗， 又唔會太肥。還有汽水送一碟雙拼飯， 又有兩條油菜 ，有例湯， 又有汽水送， 味道又正， 燒鵝皮又脆皮， 燒肉也是脆皮， 叉燒夠淋， 價錢又平， 最緊要好食， 媲美大集團的快餐店。以後去佐敦， 想食燒味飯， 一於來廣發。