燒肉臻 (Closed)

為咗慶祝男朋友生日特登上網搵有邊間燒肉店好食，男人最鍾意食肉，最尾係海量咁多間中揀咗呢間，原本餐廳話好難安排到卡位，但到最後關頭都幫我安排到，真係十分感謝，令我同男朋友都有個較為私人嘅空間慶祝生日🥰🥰🥰生日咁係大食特食，叫咗個牛肉盛盒，每種牛有兩件，唔好以為唔夠飽，其實食落都OK 㗎，當中推薦嘅係牛背峰😋😋甲羅燒好好味，啲蟹汁我哋唔單止燒完拎來送佢原本設計嘅餅乾，我哋更加攞嚟點送飯食，好正！我預備左生日蛋糕，原本只係想侍應簡單地幫我拎出嚟變好，點知餐廳原來準備咗生日歌做背景，好有心幫客人慶祝生日，男朋友話第一次有咁多人唱生日歌比佢聽，謝謝餐廳嘅用心❤️❤️