Burgeroom (美麗華廣場1期) (Closed)

尖沙咀美麗華有一間食漢堡包，又有酒飲嘅餐廳，覺得真係好特別，一入到去，就見到每個客人嘅漢堡包都超大，感覺更吸引。 睇下餐牌先 之後就要由QR Code落單啦！ 菠蘿燒烤醬牛肉漢堡🍔$98酸瓜+$10/炒滑蛋+$20/ 煙肉+$10加左咁多樣嘢，侍應姐姐都忍唔住話加左咁多嘢，好高。 宜家麵包裡面夾住滑蛋、煙肉🥓漢堡扒、菠蘿🍍酸青瓜🥒厚切紫洋蔥、番茄🍅同生菜。麵包兩邊都有落牛油烘，所以好香脆。炒滑蛋唔係茶記主打有好多奶，或者好多油嘅效果，可以話有少少鞋，不過果少少未夠滑嘅滑蛋，放漢堡包反而適合，因為漢堡扒同菠蘿好多汁，多蛋汁嘅滑蛋應該會合唔埋。當攞起竹簽嘅時候，就知道點解呢度主打食漢堡包，都要俾刀叉🍴你就算拍到個包點扁都好，個口都唔會咬到，最後真係要刀叉🍴最後燒烤醬滴埋落薯條度，連茄汁都唔洗點。 直薯條+$35直但粗嘅薯條，有啲部分仲見到有皮，係薯仔切出來嘅感覺。 奇異果汁+ $15奇異果汁酸酸甜甜，真係似鮮榨，食啲咁Heavy 嘅漢堡包，真係要啲清爽嘅感覺。