象屋泰國餐廳 (Closed)

平日食泰國菜通常都會去一啲小店因為經濟實惠同埋夠大碟，喺商場食泰國嘢預咗冇$300兩個人都落唔到樓㗎，不過就真係坐得靚又舒服嘅今次喺旺角東站上蓋嘅商場呢間泰國菜就打破咗我過往嘅印象啦環境好之餘$100左右一個人真係食到攬住個肚㗎粉麵飯樣樣有齊，好多選擇都係$100之內，仲有嘢飲送更加重要嘅係呢度有一個自助沙律吧，裏面除咗有新鮮嘅蔬果之外，仲有一啲泰式小食，例如椰汁糕、咖喱角、春卷等等，亦都有任食嘅青木瓜沙律，唔係剩係得菜咁簡單要咗一個泰式烤豬小腿配白飯，擺碟已經覺得幾靚，份量亦都唔少，豬小腿嘅肉都好滑，燒烤汁好香亦帶有少少甜，配青檸蔬打好開胃。細佬叫一個青咖喱雞肉碎炒飯，肉碎切得好細，但係炒飯好香，而且唔係平時食開嘅青咖喱汁，而係本身啲飯就已經有嗰陣味喺度，都幾有新鮮感。加15蚊再加串燒，個汁香香甜甜又有d辣，好特別☺️泰lunch呢個價算少貴，但有salad bar之後一切都變得超值真係食小食同菜都已經抵翻，推介！