120
10
25
Exit B2, Prince Edward MTR Station, Exit B3, Mong Kok MTR Station, Exit D, Mong Kok East MTR Station continue reading
Telephone
23866882
Opening Hours
Today
11:00 - 22:00
Mon - Sun
11:00 - 22:00
Payment Methods
Visa Master Cash UnionPay
Review (184)
Level4 2021-03-11
5752 views
記得大概年幾前來過象屋泰國餐廳吃下午茶, 感覺都唔錯, 尤其是坐近窗口位置, 特別舒適。 最重要地點方便,位於旺角太子道西193號MOKO新世紀廣場4樓453號舖。 今次姊妹請我吃生日飯🤩, 生日月的關係真是食過不停。 我們大約六點到達餐廳立即點兩杯cocktail, 菜式有芒果柚子沙律、蝦肉米紙卷、大蝦金邊粉、 咖哩炒肉蟹、酥餅和香芒黑白糯米飯。▫️cocktail🔹~ 兩杯入面我比較鍾意Mojito, 味道較清帶薄荷味, 但兩杯酒精濃度都極少。▫️芒果柚子沙律🔹🥗~ 芒果超酸, 食了一半冇食。▫️蝦肉米紙卷🔹🌯~ 米紙卷透薄, 蝦肉爽口,味道都ok。▫️咖哩炒肉蟹🔹🍛🦞~ 咖哩香濃而不辣, 肉蟹不算肥美, 勝在咖哩香味突出。▫️酥餅🔹🥠~ 香酥好味, 用來配咖哩一流。▫️大蝦金邊粉🔹🍝~ 大頭蝦多膏肉質彈牙, 金邊粉甜甜酸酸好開胃。▫️香芒黑白糯米飯🔹🥙~ 芒果甜美, 但太少椰漿, 糯米飯比較乾身。餐廳座位舒適, 店員服務貼心, 食物質素有點參差, 最好味是大蝦金邊粉。😊 continue reading
(The above review is the personal opinion of a user which does not represent OpenRice's point of view.)
有一日下晝嚟MOKO商場行街,食物種類廣泛,有咖喱、海鮮、小食、炒飯,甜品等👍🏼 環境好舒適寬敞,服務態度亦很好😉.🍢沙嗲雞串 (4件) $88: 雞串烤得香,肉質仍然嫩滑🤗 點埋沙嗲醬好正🌟 醬汁比一般流質,但味道夠濃👍🏼 大家亦可以點豬及雞雙拼😆.🥘馬沙文咖喱 (羊) $168: 羊咖喱好少食到🙉 馬沙文咖喱好重香料味👍🏼 味道唔會好辣,夏天食令胃口大開😍.🥖🫓香烤蒜蓉包$38: 沾咖喱食真係冇得輸😍 每件都好大而且香脆😊 .🦐大蝦芒果米紙卷 $108: 大蝦爽口鮮甜,配芒果酸酸甜甜😋 夾咗好多生菜、紅蘿蔔、紫椰菜😇 .🥬蒜蓉蝦醬炒通菜 $88: 蝦醬咁好味配菜炒好入面,加埋蒜蓉冇得輸😁 continue reading
(The above review is the personal opinion of a user which does not represent OpenRice's point of view.)
Level4 2021-07-10
0 views
晚上三人行找食,見到這店環境不錯,餐牌都吸引,就這樣選定了。座位都算寬敞,枱與枱之間也有距離。我們坐在玻璃窗附近,可以飽覽外邊景色,遠眺令人心曠。我們先落單叫了芒果柚子沙律、豬頸肉炒金邊粉、咖哩蝦及酥餅。食物很快便上枱,個沙律非常令人開胃,我覺得稍微過酸,我只是覺得一般。豬頸肉炒金邊粉,味道正常,但感覺略嫌油多一點,份量都算足的。蝦同酥餅都屬正常,蝦質爽爽的,咖哩配酥餅一定夾啦!侍應一直都沒有添水,其實食完野覺得幾口渴,主動叫侍應添水,態度一般,好像不想理睬的。說實話,這裡只勝在環境氣氛,食物同服務不可奢望。最後也因為侍應不太理睬的服務態度,我們也不再加單,寧願轉場。用餐時間限90分鐘的。 continue reading
(The above review is the personal opinion of a user which does not represent OpenRice's point of view.)
泰式半自助午餐加一個主菜同飲品,最平$108就已經有交易🤩!肥仔今次又搵到好嘢🥳,簡單講只需要點一份Lunch Set就已經可以享用呢個泰式Salad Bar🇨🇷,雖然任食但質素都唔差,款式都幾多款😍!⤑▫️Thai Salad Bar單單長枱上嘅食物都有十五款左右,款式絕對唔馬虎喎!沙律都有三款不同🥗;港人最愛嘅泰式無骨鳳爪、泰式木瓜沙律,酸酸辣辣相當開胃🌶,炸物亦有;炸蝦片、炸魚肉條、咖喱角、炸春卷,雖然唔喺即炸起但咬落都脆卜卜,有驚喜🤤!甜品方面;西瓜🍉、椰汁斑斕糕、芒果糕、椰青糕等等都喺任拎,好豐富性價比真喺超高,細食嘅女士應該已經夠飽🤣!⤑講返主菜先最平$108船麵至最貴$298咖喱肉蟹飯都有,豐儉由人每份Lunch set會包埋一杯飲品💕!⤑▫️豬頸肉炒泰式金邊粉 $ 148豬頸肉夠爽口入味份量都唔少,金邊粉炒得幾有鑊氣🥢,一貫泰式口味味道偏甜個人覺得落返少少辣椒粉更惹味🤣!⤑▫️泰式慢煮馬沙文咖喱羊配飯 $ 168有得選擇要牛/羊🐑,平時少食羊呢度嘅羶味喺接受到嘅,慢煮關係肉質都幾腍唔難咬開,咖喱香濃唔太辣偏濃椰醬味容易入口🍛!⤑▫️泰式奶茶 +$ 10每次食泰國嘢都鍾意飲泰茶,正常水準就係鍾意佢偏甜嘅奶茶味🤪!⤑▫️象屋芒果糯米飯 $ 38芒果都夠甜🥭有齊黑白雙色糯米口感煙韌,椰漿外仲加咗椰子碎同椰絲增強口感🥥,份量略嫌少咗啲🤙🏻~ continue reading
(The above review is the personal opinion of a user which does not represent OpenRice's point of view.)
Level1 2021-05-22
1179 views
落左單半個鐘連杯野飲都冇出現隔離枱啱啱坐低落單即刻有野飲...問第一個人唔理...問第二個人唔理...要我行出去吧枱睇住佢㩒部機先話我地冇落單仲要咁多個人一句道歉都冇,態度又差,完全唔覺得自己有錯咁...所謂自助沙律吧啲野放左好耐林晒呢啲基本野啦食碗野仲要有釘書釘...好在我咬到吐返出黎者,唔係真係胃都穿...真係多謝晒,呢間咁既野值得我寫第一篇食評表揚佢...以後都唔會再去利寶閣旗下既餐廳... continue reading
(The above review is the personal opinion of a user which does not represent OpenRice's point of view.)