Piccolos (Closed)

西貢呢個位置好多西餐廳，好多時入去lunch都係呢度兜個圈揀其中一間，今次就去左Piccolos，因為見到佢枱面有擺花花，心情都好啲。Starter揀左豬腩肉包，呢個食落幾得意，有啲fusion嘅感覺，有啲似中式饅頭夾住西式煮法嘅豬腩肉，食到一絲絲嘅感覺又唔會太乾，仲有少少豬皮嘅油脂同埋沙律菜嘅清爽，好香好惹味。蘋果醬豬腩肉豬腩肉好脆皮，冇過多嘅調味，加上薯茸有少少滯，但加左蘋果醬有玉桂香味，少少酸酸甜甜整體感覺平衡番。澳洲肉眼，火候控制得唔錯，7成熟入面有淡淡粉紅色。