上個星期日，同朋友去完玩，番到西環，都差唔多9點，心唸可能要食m記。 點知去到屈地街既時候，見到亮光光既牌寫住夜宵磨。 我跟住提議朋友去試下。
入到去，發現原來走文青格調，裝修簡單舒服，仲坐滿左客人，好彩仲有一張大枱俾我地三個人坐落。
睇完個menu後，我地點左北海道蟹肉香葉炒飯，香煎鱈魚配薯菜，黑松露海鮮意大利飯同太子野菌。 主食來之前，侍應將充滿磨菇香味既餐湯和餐包放在我地枱上，肚餓既我地忍唔住開始食。個餐湯非常香滑，餐包則非常軟熟。第一碟來既主食係香葉炒飯，香葉既香氣令到我地非常期待個炒飯，而且炒飯上面伴有滿滿的鮮甜蟹肉，非常開胃好味。跟住黎既就係鱈魚，鱈魚煎得非常香口，但一d都唔油膩，配上淡淡既沙律醬汁，美味非常。鱈魚上伴有炸薯菜，可自行點茄汁或者沙律醬，而且上面仲伴有黑醋沙律菜，非常健康。跟住黎既就係海鮮意大利飯，有著濃郁既黑松露香味，creamy得黎一d都唔滯，而且用料十足。最後黎埋個太子野菌，呢個要俾個like,
因為一來香，兩來配搭新解，三來好美味。本來想再encore,不過太飽既關係，唯有下次再黎過
另外，我地叫左個巨蜂提子特飲，凍檸茶同凍華田。
整體來講，非常唔錯，適合三五知己聚會，下次要再黎過
