環境：
普普通通，但都叫做坐得舒服，而且順帶一提，呢度嘅防疫措施做得幾足， 佢真係有跟規矩每一台都隔得幾開，又有做曬探熱等措施，總算食得安心。
食物：
嚟到見到午市有個套餐都算平，而且選擇都算多，頭盤主菜同埋飲品都係成為66蚊，港島區嚟講呢個價錢算唔錯啦。頭盤方面我就叫咗沙律，主菜香炸醋肉，仲配埋一碗新竹米粉，夠曬飽呀！最有驚喜嘅位係估唔到新竹米粉仲有餸配埋，而且都唔少，兩粒墨魚丸兩粒貢丸，同埋兩片豬肉，老老豆豆，有可能淨係食呢碗米粉都已經夠飽，哈哈！ 沙律方面其實比較普通唔算話太好味， 但係頭盤嚟講算係咁啦。主菜香炸醋肉肉質就比較鞋同埋酸咗少少，真心覺得一般，如果下次再嚟我會試第二樣餸。
結論：
整體而言，喺呢度食午市都算唔錯，夠平夠多嘢食，而且仲要多選擇，但係味道方面就唔好抱太高嘅期望喇！
