芝麻蝦多士 📌$45
蝦多士比一般既大件，所以都幾飽肚。上枱時熱辣辣，又唔會太油，蝦膠都夠味，可以一試。
XO醬炒蘿蔔糕📌$43
蘿蔔糕份量唔算好多，XO醬幾惹味。可惜蘿蔔糕外層唔夠脆，所以無乜口感。
鴛鴦燒賣(黑松露拼蟹子) 📌$32
傳統豬肉燒賣既質素，每次飲茶必吃，無乜特別驚喜，但下次再嚟的話都會再叫。
子薑皮蛋蝦卷 📌$38
呢款點心比較特別，喺其他地方未食過。脆既外層包住子薑皮蛋同蝦。雖然我平日唔食子薑，但都覺得好易入口。鐘意子薑既，仲有額外一小碟子薑可以食。
懷舊糯米包 📌$30
糯米包味道都Ok，可惜口感比較乾，如果再多啲料同無咁乾就好喇。
因為係平日接近下午茶時候去，所以客人唔算好多，店員態度還算可以。但舖頭冷氣有啲大，如果想去試就最好帶件外套喇。
